Ajar Ǵiniiat byltyr Qazaqstanda qyzylsha aýrýyn juqtyrý kórsetkishi kúrt óskenin eske saldy. Sońǵy 15 jyldyń ishinde respýblikada 3 ret qyzylsha aýrýynyń ósýi tirkeldi. Bul – 2005, 2015 jáne 2019 jyldar. Aýrýdyń kezekti ósýi 2023 jyly bastaldy. 2023 jyldyń sońynda elimizde qyzylshanyń 29 648 jaǵdaiy tirkeldi. Onyń 80 paiyzy – 14 jasqa deiingi balalar.
Syrqattanýdyń 84 paiyzy vaktsina almaǵan balalar esebinen boldy. Byltyr jeltoqsanda qarashamen salystyrǵanda 11 óńirde syrqattaný óskeni baiqaldy, - dedi ministr. Turaqtandyrý jumysy 6 óńirde baiqalǵan: Aqtóbe, Qyzylorda, Batys Qazaqstan, Qaraǵandy, Jetisý jáne Túrkistan oblystarynda baiqaldy.
Aýrýdyń tómendeýi 3 óńirde tirkelgen: Shymkent qalasy, Jambyl, Ulytaý oblystarynda tirkeldi. Ajar Ǵiniiat qyzylsha aýrýynyń aldyn alý úshin qandai sharalar qabyldanǵanyn atap ótti.
«Birinshiden, byltyr aýrýǵa qarsy josparly vaktsinalaý júrgizildi. Alty jasqa deiingi 700 myńǵa jýyq bala ekpe aldy. Ekinshiden, qyzylsha juqtyrǵan – vaktsina almaǵan balalar tirkep, byltyr qyrkúiekte Úkimet rezervinen qarajat bólinip, qyzylshaǵa, qyzamyqqa jáne parotitke qarsy vaktsinanyń 1,5 mln dozasy satyp alyndy. Qarashadan bastap atalǵan infektsiiaǵa qarsy qosymsha vaktsinatsiialaý júrgizilip jatyr.
Búgingi tańda qosymsha vaktsinatsiialaý sheńberinde 930 myńnan asa adam ekpe aldy, barlyq jospardyń 62%-y qamtyldy, kún saiyn 20 myńnan asa adam ekpe alyp jatyr», - dedi ministr.
Ministrdiń dereginshúe, Jetisý, Qyzylorda, Túrkistan oblystary men Shymkent qalasynda tiisti kontingenttiń 70%-dan astamy qosymsha vaktsina alǵan. Alaida, Qostanai, Qaraǵandy, Pavlodar, Mańǵystaý, Atyraý, Batys Qazaqstan oblystary men Astana qalasynda vaktsinatsiialaý deńgeii áli 55 paiyzdan tómen. Ministr Qazaqstanda qaýipti infektsiiaǵa qarsy ekpe almaǵan 800 myń jýyq bala (6 jasqa deiingi) baryn jetkizdi.
«Túrli infektsiialar men syrqattanýdyń ósýi ata-analarǵa balalardy vaktsinatsiialaýdan bas tartýǵa múmkindik beretin 2015 jyly engizilgen zań normalarymen tikelei bailanysty. Osynyń saldarynan 5-7 jylda halyqtyń arasynda immýniteti tómen adamdardyń qatary ósti. Búginde 6 jasqa deiingi 800 myńǵa jýyq bala defteriia, polimelit, týberkýlez jáne taǵy basqa qaýipti infektsiiaǵa qarsy ekpe almaǵan jáne qorǵalmaǵan. Osyǵan bailanysty ministrlik jergilikti atqarýshy organdarmen birlesip, biyl balalardy ulttyq vaktsinatsiialaý kúntizbesi sheńberinde josparly ekpelerdi ótkizip alǵan balalardy qosymsha vaktsinatsiialaý boiynsha keshendi jumys júrgizedi», - dedi ol.
Ministr ata-analarǵa keńesin berip, tiisti ekpelerdi ýaqytynda alýǵa shaqyrdy.
