Jańa standarttar boıynsha Áýezov jáne Jetisý aýdandarynda 2 MSAK ortalyǵy jáne 1 jańa emhana ashyldy. Taǵy 4 MSAK ortalyǵynyń qurylysy júrgizilýde, sondaı-aq 11 MSAK ortalyǵy men emhanalardyń qurylysyna JSQ ázirlenýde.
4 jańa stasıonar salýǵa, 5 qoldanystaǵy aýrýhana men 5 jedel medısınalyq kómek qosalqy stansıasyn jańǵyrtýǵa JSQ ázirleý bastaldy.
Kadrlyq áleýetti arttyrý úshin respýblıkanyń ǵylymı ortalyqtarynyń bazasynda, Germanıa, Izraıl, Túrkıa klınıkalarynda 3 340 dáriger qaıta daıarlaýdan ótti. Rezıdentter úshin 136 grant, orta medısınalyq personal úshin 1 116 grant bólindi.
Jalpy, densaýlyq saqtaý salasyn qarjylandyrý 2023 jylǵy 36,5 mlrd. teńgeden 2024 jyly 41,0 mlrd. teńgege deıin 12,3% - ǵa ulǵaıady.
Almatyda MSAK biryńǵaı standarty qala basshysy Erbolat Dosaevtyń tapsyrmasy boıynsha aldyńǵy qatarly halyqaralyq tájirıbe negizinde ázirlendi.
Ol medısınalyq kómek kórsetý reglamentterine, jobalyq-tehnologıalyq sheshimderge, sıfrlandyrýǵa jáne emhanalardyń menejmentine 4 negizgi krıterıı boıynsha túbegeıli ózgerister engizýdi kózdeıdi, olar: qoljetimdilik, sapa, tehnologıalylyq jáne jaılylyq.
