جاڭا ستاندارتتار بويىنشا اۋەزوۆ جانە جەتىسۋ اۋداندارىندا 2 مساك ورتالىعى جانە 1 جاڭا ەمحانا اشىلدى. تاعى 4 مساك ورتالىعىنىڭ قۇرىلىسى جۇرگىزىلۋدە، سونداي-اق 11 مساك ورتالىعى مەن ەمحانالاردىڭ قۇرىلىسىنا جسق ازىرلەنۋدە.
4 جاڭا ستاسيونار سالۋعا، 5 قولدانىستاعى اۋرۋحانا مەن 5 جەدەل مەديسينالىق كومەك قوسالقى ستانسياسىن جاڭعىرتۋعا جسق ازىرلەۋ باستالدى.
كادرلىق الەۋەتتى ارتتىرۋ ءۇشىن رەسپۋبليكانىڭ عىلىمي ورتالىقتارىنىڭ بازاسىندا، گەرمانيا، يزرايل، تۇركيا كلينيكالارىندا 3 340 دارىگەر قايتا دايارلاۋدان ءوتتى. رەزيدەنتتەر ءۇشىن 136 گرانت، ورتا مەديسينالىق پەرسونال ءۇشىن 1 116 گرانت ءبولىندى.
جالپى، دەنساۋلىق ساقتاۋ سالاسىن قارجىلاندىرۋ 2023 جىلعى 36،5 ملرد. تەڭگەدەن 2024 جىلى 41،0 ملرد. تەڭگەگە دەيىن 12،3% - عا ۇلعايادى.
الماتىدا مساك ءبىرىڭعاي ستاندارتى قالا باسشىسى ەربولات دوسايەۆتىڭ تاپسىرماسى بويىنشا الدىڭعى قاتارلى حالىقارالىق تاجىريبە نەگىزىندە ازىرلەندى.
ول مەديسينالىق كومەك كورسەتۋ رەگلامەنتتەرىنە، جوبالىق-تەحنولوگيالىق شەشىمدەرگە، سيفرلاندىرۋعا جانە ەمحانالاردىڭ مەنەدجمەنتىنە 4 نەگىزگى كريتەريي بويىنشا تۇبەگەيلى وزگەرىستەر ەنگىزۋدى كوزدەيدى، ولار: قولجەتىمدىلىك، ساپا، تەحنولوگيالىلىق جانە جايلىلىق.
