– Túrkistan qalasynda Molekýliarly meditsina ortalyǵynyń ashylýymen sizderdi shyn júrekten quttyqtaimyn! Ana men bala densaýlyǵyn qorǵaý asa mańyzdy. Osy turǵydan oblys ákimdigi jáne densaýlyq saqtaý basqarmasy tarapynan bul baǵytta júieli jumystar júrgizilýde.
Byltyr oblysta 54498 sábi dúnie esigin ashqan. Biz molekýliarlyq zertteýler salasynda sapaly qyzmetterdi usyný múmkindigi týǵanyna qýanyshtymyz.
Óitkeni biz úshin óńirdiń demografiialyq ósimi asa mańyzdy. Bul filial qyzmetkerlerdiń jumysyna serpin berip, emdelýshilerdiń densaýlyǵy jaqsara bersin! – degen oblys ákiminiń orynbasary qatysýshylarmen birge balalar men júkti áielderge keńes berý kabinetterin aralap kórdi.
Jiyn barysynda ortalyq quryltaishysy bul jobanyń mańyzdylyǵyn atap ótti.
Bul ortalyq Túrkistandaǵy №3 perinataldyq ortalyǵyna quramynda Túrkistan, Kentaý qalalary men Sozaq, Otyrar, Saýran aýdandarynyń júkti áielderi men jańa týǵan nárestelerine qyzmet kórsetpek.
Maqsat – ana men bala densaýlyǵyn jaqsartyp, qaiǵyly jaǵdailardyń aldyn alý. Qazirgi tańda bul óńirde 4213 áiel júktilikpen tirkeýde tur, jylyna 15 myńǵa jýyq náreste dúniege keledi.
Ortalyq patsientterge meditsinalyq-genetikalyq keńes berý, jańa týǵan nárestelerdi fenilketonýriiaǵa jáne týa bitken gipoteriozǵa neonataldyq skrining júrgizý, orfandyq aýrýlardy diagnostikalaý qyzmetin kórsetedi. Sonymen birge júktiliktiń birinshi trimestrindegi prenataldy biohimiialyq skriningti qosa alǵanda meditsinalyq genetika salasyndaǵy qyzmetterdiń keń spektrin júrgizedi.
