Astana Halyqaralyq forýmy (AIF) jahandyq syn-qaterler men geosaiasi shielenister jaǵdaiynda memleketaralyq yntymaqtastyqty damytý jáne diplomatiialyq dialogty nyǵaitý missiiasyn jalǵastyryp otyr. Forýmdy Qazaqstan Respýblikasynyń Prezidenti Qasym-Jomart Toqaev ashady,- dep habarlaidy Dalanews.kz
Uiymdastyrýshylar 39 paneldik sessiia ótedi dep josparlap otyr. Onyń ishinde 10 ekskliýzivti sessiia joǵary dárejeli qonaqtarmen jáne álemdik kóshbasshylardyń jeke qatysýymen ótedi.
Forým baǵdarlamasy «Syrtqy saiasat jáne halyqaralyq qaýipsizdik», «Energetika jáne klimattyń ózgerýi», «Ekonomika jáne qarjy» dep atalatyn úsh negizgi taqyryptan turady.
Syrtqy saiasat jáne halyqaralyq qaýipsizdik salasyndaǵy álemdik sarapshylar bolashaq týraly pakt, sondai-aq kóppoliarly álemdegi «orta derjavalar» saiasatyn, sondai-aq Taiaý Shyǵystaǵy jańa tepe-teńdikke aparatyn joldardy talqylaidy.
Aita keteiik, elshi, Miýnhen qaýipsizdik konferentsiiasynyń tóraǵasy (2022-2025 jj.) Kristof Hoisgen, Elkano koroldik institýtynyń direktory Charlz Paýell, Jeneva qaýipsizdik saiasaty ortalyǵynyń (Gcsp) atqarýshy direktory Tomas Greminger atalǵan taqyryp boiynsha forýmǵa qatysatynyn rastady.
Energetika jáne klimattyń ózgerýi týraly paneldik sessiialarda qatysýshylar sý jáne energetikalyq qaýipsizdikti, Ortalyq Aziianyń ornyqty bolashaǵyn, klimat salasyndaǵy jahandyq is-qimyldardy, innovatsiialyq syn-tegeýrinderdi talqylaidy.
Bul taqyryptar boiynsha Power International Holding kompaniialar tobynyń tóraǵasynyń orynbasary, prezidenti jáne bas atqarýshy direktory Ramez Ál-Haiiat, Jańartylatyn energiia kózderi jónindegi halyqaralyq agenttiktiń (IRENA) bas direktory Franchesko La Kamera, Ulybritaniia Parlamenti Lordtar palatasynyń múshesi Lord Frensis Moýd, SOR29 prezidenti Muhtar Babaev sóz sóileidi.
«Ekonomika jáne qarjy» taqyryby boiynsha negizgi baǵyttar: álemdik saýdanyń bolashaǵyn anyqtaý, jasandy intellekt, jahandyq ekonomikalyq qýatty qaita qaraý, tsifrlyq aktivter revoliýtsiiasy bolady. Forýmnyń qonaqtary Berlin Global Dialogue negizin qalaýshy jáne tóraǵasy Lars-Hendrik Rioller, Google kompaniiasynyń Ortalyq jáne Shyǵys Eýropa jónindegi vitse-prezidenti Patrik Ýornking, Ministr-sheteldegi frantsýz azamattarynyń syrtqy saýda jáne ister jónindegi delegaty Loran Sent-Marten, Eýropalyq investitsiialyq banktiń vitse-prezidenti Kiriakos Kakoris bolady.
2025 jylǵy Astana Halyqaralyq forýmy - jahandyq dialog pen ózekti álemdik problemalardy talqylaýǵa arnalǵan negizgi alań. Joba jahandyq syn-qaterlerdi birlesip sheshý úshin elderdi biriktire otyryp,mýltilateralizmniń jańa dáýirin qalyptastyrýǵa yqpal etedi. Is-shara ekonomikaǵa,klimatqa jáne memleket aralyq qatynastarǵa baǵyttalǵan jahandyq ózgerister jaǵdaiynda halyqaralyq yntymaqtastyqty nyǵaitýǵa baǵyttalǵan.
Forým jáne oǵan qatysý múmkindikteri týraly tolyq aqparatty myna saittan tabýǵa bolady: https://www.astanainternationalforum.org/
