Batys Qazaqstan oblysynda «Jaiyq jastary» turǵyn úi baǵdarlamasy jalǵasatyn boldy. Aimaqtyq baǵdarlama buǵan deiin 106 jas turǵynnyń baspanaly bolýyna kómektesti. Osy baǵdarlamanyń arqasynda áleýmettik mańyzy bar mamandyqtardyń ieleri – meditsina, mádeniet, sport salasynyń qyzmetkerleri, muǵalimder, kommýnaldyq kásiporyndardyń jumysshylary, quqyq qorǵaýshylar, qutqarýshylar, jýrnalister páter ieleri atandy, dep habarlaidy Dalanews.kz
– Baǵdarlama – jastardy qoljetimdi baspanamen qamtamasyz etý baǵytynda tiimdi sharttarmen júzege asyrylatyn birden-bir óńirlik joba. Sondyqtan osy baǵdarlamany odan ári jalǵastyrý qajet ekendigine kózimiz jetti. 2024 jyly «Jaiyq jastary» turǵyn úi baǵdarlamasy aiasynda 40 jasty baspanamen qamtý josparlanyp, is júzinde 41 jas baspanaly boldy. Biyl naýryz aiynda baǵdarlama jalǵasyn taýyp, elektrondy sait arqyly ótinimder qabyldandy. Qazirgi kezge deiin 70-ke jýyq jas baspanaly boldy. Osy baǵyttaǵy igi jumystardy jalǵastyrý maqsatynda baǵdarlamanyń biylǵy ekinshi legin bastaǵaly otyrmyz. Bul maqsatqa 1 323 mln teńge bólindi, – dedi BQO qoǵamdyq damý basqarmasynyń basshysy Darhan Qadyraliev.
Óńirde «Jaiyq jastary» turǵyn úi baǵdarlamasy «Otbasy bank» arqyly júzege asyrylýda. Baǵdarlamanyń talaptary men sharttary, sondai-aq ótinim qabyldaýǵa arnalǵan arnaiy sait – qr.gov.kz arqyly qoljetimdi. Qazirgi erejege sáikes, turǵyn úidiń eń joǵary quny 18 mln teńge, nesieniń merzimi – 19 jylǵa deiin, paiyzdyq mólsherleme – 5%(jyldyq shyǵyny 5,2%-dan 5,7%-ǵa deiin). Al bastapqy jarna – 10%,iaǵni baǵdarlamaǵa ótinim berý úshin «Otbasy bank» shotyńyzda keminde 1 800 000 teńge bolýy tiis. Bul soma qatysýshyǵa 1 upai retinde esepteledi.
Baǵdarlamaǵa QR azamattyǵy bar, 21–35 jas aralyǵyndaǵy jastar qatysa alady. Eger erli-zaiypty bolsa, olardyń bireýi ǵana ótinim bere alady. Sonymen qatar, sońǵy bir jyl ishinde BQO aýmaǵynda turaqty tirkeýde bolýy, ári keminde bir jyl kóleminde zeinetaqy aýdarymdary jasalýy qajet. Sońǵy 5 jyl ishinde qatysýshynyń jáne otbasy músheleriniń atynda turǵyn úi bolmaýy shart.
Baǵdarlama aiasynda turǵyn úidi birinshi nemese ekinshi naryqtan satyp alýǵa múmkindik beriledi.
Baǵdarlama boiynsha qujattar qabyldaý 20-31 qazanaralyǵynda bastalady. Qai kezeńde jáne qai mekenjai boiynsha baǵdarlamaǵa qatysýǵa ótinishter qabyldanatyny týraly jergilikti ákimdik qosymsha habarlaidy. Eń aldymen ótinim tapsyrý úshin elektrondy tsifrlyq qoltańba (ETsQ) kerek bolady. Ótinim berý qr.gov.kzsaityna tirkelý arqyly júzege asady.
Ótken jyly «Jaiyq jastary» baǵdarlamasyna qatysyp, Oral qalasynan úsh bólmeli páter aldyq. Ózim №5 mektepte on jyldan beri muǵalim bolyp qyzmet etemin. Basqa bankterge qaraǵanda «Otbasy bank» nesiesi tiimdi. Atalǵan baǵdarlama boiynsha 5%-ben 19 jylǵa nesie aldym. Ekinshi naryqtaǵy páterdi 17 mln teńgege aldym. Qazir ai saiyn 117 myń teńge tóleimin. Jubaiym ekeýmizúsh balamen páter jaldap turdyq. Endi páteraqy emes, óz baspanamyz úshin tóleimiz. Basynda depozit jinaýǵa degen senimsizdik boldy. Az-maz depozitimdi sheship alyp, jeke kompaniiadan úi almaqshy boldyq. Qymbatqa shyǵatyn boldy da, jinaǵymdy qaitadan osy bankke depozitke salyp, eki jyl boiy turaqty aqsha salyp turdym. Biz sekildi qarapaiym otbasylarǵa «Otbasy bank» eń tiimdi bank degim keledi, – dep Oral qalasynyń turǵyny, 33 jastaǵy Torǵyn Imanbaeva rizashylyǵyn bildirdi.
