Qaraǵandyda 22 jastaǵy Alıka Mýhamadıevaǵa qatysty sot prosesi bastaldy. Oǵan áleýmettik jáne ulttyq arazdyqty týdyrdy degen aıyp taǵylýda, dep habarlaıdy Dalanews.kz.
Qylmystyq is boıynsha basty sot otyrysy Qazybek bı aýdandyq sotynda bastaldy. İs- sotqa 3 qazan kúni túsken. Qaraǵandylyq Alıka Mýhamadıevaǵa QR Qylmystyq kodeksiniń 174- baby , 1 bóligi- «Áleýmettik, ulttyq, rýlyq, násildik nemese dinı arazdyqty órshitý» boıynsha aıyp taǵylyp otyr.
Sot málimetinshe, Mýhamadıeva júk tasymaldaý jáne kıim dúkeni salasynda kásippen aınalysady.
Eske salsaq, 2025 jyldyń jazynda Threads áleýmettik jelisinde Alıka Mýhamadıeva salǵan postardyń qazaqstandyqtarǵa qatysty qorlaıtyn sózder bar degen shaǵymdardan keıin tergeý nysanyna aınaldy. Shilde aıynda ol qamaýǵa alynyp, is materıaldary tergeý organdaryna joldanǵan bolatyn.
Kásipker buǵan deıin kinásin ishinara moıyndap, aıtqan sózderi konteksten úzip alynǵanyn málimdegen edi. Ol kópshilikten keshirim surap, eshkimniń namysyna tıýdi maqsat etpegenin atap ótken.
