قاراعاندىدا 22 جاستاعى اليكا مۋحاماديەۆاعا قاتىستى سوت پروتسەسٸ باستالدى. وعان ەلەۋمەتتٸك جەنە ۇلتتىق ارازدىقتى تۋدىردى دەگەن ايىپ تاعىلۋدا, دەپ حابارلايدى Dalanews.kz.
قىلمىستىق ٸس بويىنشا باستى سوت وتىرىسى قازىبەك بي اۋداندىق سوتىندا باستالدى. ٸس- سوتقا 3 قازان كٷنٸ تٷسكەن. قاراعاندىلىق اليكا مۋحاماديەۆاعا قر قىلمىستىق كودەكسٸنٸڭ 174- بابى , 1 بٶلٸگٸ- «ەلەۋمەتتٸك, ۇلتتىق, رۋلىق, نەسٸلدٸك نەمەسە دٸني ارازدىقتى ٶرشٸتۋ» بويىنشا ايىپ تاعىلىپ وتىر.
سوت مەلٸمەتٸنشە, مۋحاماديەۆا جٷك تاسىمالداۋ جەنە كيٸم دٷكەنٸ سالاسىندا كەسٸپپەن اينالىسادى.
ەسكە سالساق, 2025 جىلدىڭ جازىندا Threads ەلەۋمەتتٸك جەلٸسٸندە اليكا مۋحاماديەۆا سالعان پوستاردىڭ قازاقستاندىقتارعا قاتىستى قورلايتىن سٶزدەر بار دەگەن شاعىمداردان كەيٸن تەرگەۋ نىسانىنا اينالدى. شٸلدە ايىندا ول قاماۋعا الىنىپ, ٸس ماتەريالدارى تەرگەۋ ورگاندارىنا جولدانعان بولاتىن.
كەسٸپكەر بۇعان دەيٸن كٸنەسٸن ٸشٸنارا مويىنداپ, ايتقان سٶزدەرٸ كونتەكستەن ٷزٸپ الىنعانىن مەلٸمدەگەن ەدٸ. ول كٶپشٸلٸكتەن كەشٸرٸم سۇراپ, ەشكٸمنٸڭ نامىسىنا تييۋدٸ ماقسات ەتپەگەنٸن اتاپ ٶتكەن.
