QR Qarjy ministrligi tyń tsifrly qyzmet – "Kásipkerdiń biryńǵai jeke kabineti" jobasyn (KBJK) qolǵa alǵan bolatyn. Búginde bul joba damý satysynda tur, sondai-aq syrtqy platformalarmen integratsiia aiaqtalyp, interfeisti jóndeý jumystary júrgizilip jatyr, dep habarlaidy Dalanews.kz.
QR Qarjy ministrliginiń málimetinshe, qazir elimizdiń kásipkerleri ministrliktiń EShF, BSP, Keden, QED, E-Qazyna-tizim, SÁAJ jáne Qoldau syndy kóptegen aqparat júiesimen jumys istep keledi. Bul júielerdiń árqaisysynda joǵary mamandandyrylǵan qyzmetter jolǵa qoiylǵan. Alaida olardyń bar ekeni jaily jáne múmkindikteri týraly barlyǵy birdei bilmeidi.
"Kásipkerdiń biryńǵai jeke kabineti" (KBJK) jobasy atalǵan júielerdiń barlyǵyn biriktirip, biryńǵai platforma túrinde qyzmet kórsetýge arnalǵan. Osy arqyly kásipkerler barlyq negizgi memlekettik ári kvazimemlekettik platformalarǵa qol jetkizip paidalana alady. Bul qajetti protsesterdi aitarlyqtai jeńildetip, ýaqyt únemdeýge septesedi", delingen habarlamada.
Biryńǵai jeke kabinetti engizý ulttyq tsifrly transformatsiia aiasynda júzege asyrylyp, Memleket basshysynyń tapsyrmalaryn iske asyrýdyń bir bóligi bolyp sanalady. Bul memleket pen biznestiń arasyndaǵy is-qimyldyń jańa mádenietin qalyptastyrýǵa jasalǵan qadam.
KBJK kásipkerdi tirkeýden bastap salyq jeńildikterin alý men satyp alýǵa qatysýǵa deiingi iskerlik protsestiń barlyq tsiklin qamtidy. Atalǵan kabinettiń kómegimen salyq eseptiligin berýge, artyq tólemdi qaitarýǵa, tólemderdi naqtylaýǵa, salyq rejimin ózgertýge jáne biýdjetpen esep aiyrysýlardy baqylaýǵa bolady. Iaǵni, barlyǵyn elektrondy formatta memlekettik organdarǵa barmai-aq iske asyrýǵa bolady.
Sondai-aq qoldanýshylardyń jaily qyzmet alýyna erekshe nazar aýdarylyp otyr. Osyǵan bailanysty barshaǵa túsinikti bolatyndai platformanyń intýitivti dizainy tańdalyp, ol barlyq qajetti synaq pen tekseristen ótkizildi.
Qyzmet kórsetý sapasyn budan da kúsheitý úshin veb-nusqanyń barlyq fýnktsionalyn saqtaityn mobildi qosymsha ázirlenip jatyr. Ol App Store jáne Play Market-te qoljetimdi bolady. Osy arqyly qoldanýshylar qajetti qyzmetti elimizdiń kez kelgen jerinen táýlik boiy ala alady. Búginde joba damý satysynda tur, sodai-aq syrtqy platformalarmen integratsiia aiaqtalyp, interfeisti jóndeý jumystary júrgizilip jatyr.
Kásipkerdiń biryńǵai jeke kabineti otandyq biznestiń qajettilikterine baǵdarlanǵan jáne memleketpen ashyq, qoljetimdi jáne zamanaýi túrde ózara bailanysty qalyptastyrýǵa arnalǵan tiimdi tsifrly infraqurylymdy qurýdaǵy mańyzdy kezeń bolyp sanalady.
