Aqtóbede týristik qyzmet kórsetý syltaýymen azamattardyń aqshasyn iemdendi degen kúdikpen er adamǵa qatysty sotqa deiingi tergep-tekserý bastaldy, dep habarlaidy dalanews.kz.
Tergeý málimetinshe, kúdikti áleýmettik jeliler arqyly shetelge týristik saparlar uiymdastyrý jóninde habarlandyrýlar jariialaǵan. Ol azamattarǵa týrlar, áýe biletteri men qonaqúi oryndaryn brondap berýge ýáde etip, aldyn ala tólem retinde aqsha alǵan.
Alaida aqshalai qarajatty alǵannan keiin óz mindettemelerin oryndamaǵan. Týristik saparlar uiymdastyrylmai, jinalǵan qarajat jeke maqsattaryna jumsalǵan.
Saldarynan jábirlenýshilerge eleýli materialdyq shyǵyn keltirilgen.
Atalǵan fakti boiynsha Qazaqstan Respýblikasy Qylmystyq kodeksiniń 190-babynyń 3-bóligi («Alaiaqtyq») boiynsha sotqa deiingi tergep-tekserý júrgizilip jatyr.
Prokýratýra azamattardy internet pen áleýmettik jeliler arqyly týristik qyzmetterdi satyp alý kezinde saq bolýǵa shaqyrdy. Mamandar tólem jasamas buryn týroperatordyń nemese týristik agenttiktiń zańdy túrde tirkelgenin tekserýge keńes beredi.
