Qazaqstandyq mýzykant ári kompozitor Dana Zulpyhar Netflix platformasynda shyǵatyn «Avatar: Aang týraly ańyz» serialynyń ekinshi maýsymynyń saýndtrek komandasyna qosyldy, dep habarlaidy dalanews.kz.
Óner iesiniń arqasynda álemge tanymal fentezi serialynda qazaqtyń ulttyq aspaptary – dombyra men qobyzdyń úni estiletin bolady.
Bul týraly Dana Zulpyhar Instagram jelisindegi paraqshasynda habarlady.
«Netflix serialy úshin dombyra men qobyzdy jazý – men úshin úlken mártebe», – dep jazdy mýzykant.
Dana Zulpyhar qazir AQSh-tyń Los-Andjeles qalasynda turyp, shyǵarmashylyq qyzmetin jalǵastyryp keledi. Ol kinoǵa arnalǵan mýzyka jazýmen ainalysady jáne avtorlyq ánderin shyǵarady.
Aita keteiik, «Avatar: Aang týraly ańyz» serialynyń ekinshi maýsymy jaqyn ýaqytta Netflix platformasynda kórermenge jol tartady.
