ق ر قارجى مينيسترلىگى تىڭ سيفرلى قىزمەت – "كاسىپكەردىڭ ءبىرىڭعاي جەكە كابينەتى" جوباسىن (كبجك) قولعا العان بولاتىن. بۇگىندە بۇل جوبا دامۋ ساتىسىندا تۇر، سونداي-اق سىرتقى پلاتفورمالارمەن ينتەگراسيا اياقتالىپ، ينتەرفەيستى جوندەۋ جۇمىستارى جۇرگىزىلىپ جاتىر، دەپ حابارلايدى Dalanews.kz.
ق ر قارجى مينيسترلىگىنىڭ مالىمەتىنشە، ءقازىر ەلىمىزدىڭ كاسىپكەرلەرى مينيسترلىكتىڭ ەشف، بسپ، كەدەن، قەد، E-Qazynaء-تىزىم، ءسااج جانە Qoldau سىندى كوپتەگەن اقپارات جۇيەسىمەن جۇمىس ىستەپ كەلەدى. بۇل جۇيەلەردىڭ ءارقايسىسىندا جوعارى مامانداندىرىلعان قىزمەتتەر جولعا قويىلعان. الايدا ولاردىڭ بار ەكەنى جايلى جانە مۇمكىندىكتەرى تۋرالى بارلىعى بىردەي بىلمەيدى.
"كاسىپكەردىڭ ءبىرىڭعاي جەكە كابينەتى" (كبجك) جوباسى اتالعان جۇيەلەردىڭ بارلىعىن بىرىكتىرىپ، ءبىرىڭعاي پلاتفورما تۇرىندە قىزمەت كورسەتۋگە ارنالعان. وسى ارقىلى كاسىپكەرلەر بارلىق نەگىزگى مەملەكەتتىك ءارى كۆازيمەملەكەتتىك پلاتفورمالارعا قول جەتكىزىپ پايدالانا الادى. بۇل قاجەتتى پروسەستەردى ايتارلىقتاي جەڭىلدەتىپ، ۋاقىت ۇنەمدەۋگە سەپتەسەدى"، دەلىنگەن حابارلامادا.
ءبىرىڭعاي جەكە كابينەتتى ەنگىزۋ ۇلتتىق سيفرلى ترانسفورماسيا اياسىندا جۇزەگە اسىرىلىپ، مەملەكەت باسشىسىنىڭ تاپسىرمالارىن ىسكە اسىرۋدىڭ ءبىر بولىگى بولىپ سانالادى. بۇل مەملەكەت پەن بيزنەستىڭ اراسىنداعى ءىس-قيمىلدىڭ جاڭا مادەنيەتىن قالىپتاستىرۋعا جاسالعان قادام.
كبجك كاسىپكەردى تىركەۋدەن باستاپ سالىق جەڭىلدىكتەرىن الۋ مەن ساتىپ الۋعا قاتىسۋعا دەيىنگى ىسكەرلىك پروسەستىڭ بارلىق سيكلىن قامتيدى. اتالعان كابينەتتىڭ كومەگىمەن سالىق ەسەپتىلىگىن بەرۋگە، ارتىق تولەمدى قايتارۋعا، تولەمدەردى ناقتىلاۋعا، سالىق رەجىمىن وزگەرتۋگە جانە بيۋدجەتپەن ەسەپ ايىرىسۋلاردى باقىلاۋعا بولادى. ياعني، بارلىعىن ەلەكتروندى فورماتتا مەملەكەتتىك ورگاندارعا بارماي-اق ىسكە اسىرۋعا بولادى.
سونداي-اق قولدانۋشىلاردىڭ جايلى قىزمەت الۋىنا ەرەكشە نازار اۋدارىلىپ وتىر. وسىعان بايلانىستى بارشاعا تۇسىنىكتى بولاتىنداي پلاتفورمانىڭ ءينتۋيتيۆتى ديزاينى تاڭدالىپ، ول بارلىق قاجەتتى سىناق پەن تەكسەرىستەن وتكىزىلدى.
قىزمەت كورسەتۋ ساپاسىن بۇدان دا كۇشەيتۋ ءۇشىن ۆەب-نۇسقانىڭ بارلىق فۋنكسيونالىن ساقتايتىن ءموبيلدى قوسىمشا ازىرلەنىپ جاتىر. ول App Store جانە Play Market-تە قولجەتىمدى بولادى. وسى ارقىلى قولدانۋشىلار قاجەتتى قىزمەتتى ەلىمىزدىڭ كەز كەلگەن جەرىنەن تاۋلىك بويى الا الادى. بۇگىندە جوبا دامۋ ساتىسىندا تۇر، سوداي-اق سىرتقى پلاتفورمالارمەن ينتەگراسيا اياقتالىپ، ينتەرفەيستى جوندەۋ جۇمىستارى جۇرگىزىلىپ جاتىر.
كاسىپكەردىڭ ءبىرىڭعاي جەكە كابينەتى وتاندىق بيزنەستىڭ قاجەتتىلىكتەرىنە باعدارلانعان جانە مەملەكەتپەن اشىق، قولجەتىمدى جانە زاماناۋي تۇردە ءوزارا بايلانىستى قالىپتاستىرۋعا ارنالعان ءتيىمدى سيفرلى ينفراقۇرىلىمدى قۇرۋداعى ماڭىزدى كەزەڭ بولىپ سانالادى.
