بەلگٸلٸ كەسٸپكەر تۇرسىن الاگٶزوۆتٸڭ ۇلى ارسەن الاگٶزوۆ جۋرناليست دينارا سەتجانعا سۇحبات بەرٸپ, ەكەسٸمەن قارىم-قاتىناسى, ۇزاق جىلدارعا سوزىلعان رەنٸشٸ جەنە قازٸرگٸ قىزمەتٸ تۋرالى ايتتى, دەپ حابارلايدى dalanews.kz.
ارسەننٸڭ سٶزٸنشە, ول ەكەسٸمەن اراداعى سەگٸز جىلدىق ٷزٸلٸستەن كەيٸن العاش رەت 2024 جىلعى 17 سەۋٸردە كەزدەسكەن. ول بۇل كەزدەسۋدە ەكەسٸنٸڭ قارجىلىق مٷمكٸندٸگٸنە نەمەسە ىقپالىنا ەمەس, ەكەلٸك جىلۋدى قايتا سەزٸنۋگە مۇقتاج بولعانىن جەتكٸزدٸ.
"مەن بٸردەن ايتتىم: سەنٸڭ قارجىلاي مٷمكٸندٸكتەرٸڭ دە, بيلٸگٸڭ دە كەرەك ەمەس. سەگٸز جىلدا "ەكەم بار" دەگەن سەزٸمنەن ايىرىلىپ قالدىم, سونى قايتا سەزٸنگٸم كەلدٸ. بۇل ادامنىڭ ٶزٸنە دەگەن سەنٸمٸنە دە ەسەر ەتەدٸ ەكەن. ەكەممەن قايتا بايلانىسۋىما مٷمكٸندٸك بەرگەن باۋىرىم ەميناعا العىس ايتقىم كەلەدٸ", – دەدٸ ارسەن الاگٶزوۆ.
ول سەگٸز جىل بويى كانادادا تۇرعان, كەيٸن مەسكەۋدە كونسالتينگ اگەنتتٸگٸندە جۇمىس ٸستەگەن. ەكەسٸمەن قايتا تابىسقاننان كەيٸن تۇرسىن الاگٶزوۆ وعان شىمكەنتتەگٸ سىرا زاۋىتىن باسقارۋدى ۇسىنعان.
ارسەننٸڭ ايتۋىنشا, اناسى, تۇرسىن الاگٶزوۆتٸڭ بۇرىنعى ەيەلٸ لەيسارا ماراتوۆا بۇل شەشٸمگە قۋانىپ, ۇلىنا قولداۋ بٸلدٸرگەن.
"انام قۋاندى, بٸردەن "سەنٸڭ قولىڭنان كەلەدٸ" دەپ قولداۋ كٶرسەتتٸ. انامنىڭ مەن ٷشٸن ەر تٷن سايىن دۇعا ەتەتٸنٸن بٸلەمٸن, ونى كٷن سايىن سەزەمٸن", – دەدٸ ول.
قازٸر ارسەن الاگٶزوۆ شىمكەنت سىرا زاۋىتىنىڭ ديرەكتورى قىزمەتٸن اتقارادى. ال تۇرسىن الاگٶزوۆ كەسٸپورىننىڭ قارجى, ٶندٸرٸس جەنە لوگيستيكا باعىتتارىن باقىلاپ وتىر.
ايتا كەتەيٸك, 2024 جىلدىڭ اقپانىندا كەسٸپكەر تۇرسىن الاگٶزوۆ اتالعان زاۋىتتى تيمۋر جاڭاباەۆتان 8 ملرد تەڭگەگە ساتىپ العان. سودان بەرٸ كەسٸپورىنعا 40 ملن دوللار كٶلەمٸندە ينۆەستيتسييا قۇيىلعان. ونىڭ شامامەن 15 ملن دوللارى جاڭا ٶندٸرٸستٸك عيماراتتار, قويمالار, جابدىقتار جەنە كوممۋنيكاتسييا ينفراقۇرىلىمىنا جۇمسالعان.
