"Túrkistan-Samarqand" áýe reisi óz jumysyn bastady,- dep habarlaidy Dalanews.kz
Astana qalasynan bastalǵan áýe baǵyty Túrkistan arqyly Samarqandqa yńǵaily tranzitpen ushýǵa múmkindik alyp otyr.
Jańa áýe reisi aptasyna 2 ret, beisenbi jáne jeksenbi kúnderi ushady. Bilet quny bir baǵytqa 23 500 teńgeden bastalady.
Jańa baǵyt - Qazaqstan men Ózbekstanǵa, týristik qalalar Túrkistan men Samarqandqa saiahattaýǵa asa yńǵaily bolmaq. Týrister úshin erekshe múmkindikter ashady. Atalǵan baǵyttaǵy áýe reisterin "Qazaq Air" áýekompaniiasy júzege asyrady.
Aita keteiik, jalpy Túrkistan halyqaralyq áýejaiy arqyly halyqaralyq reisterden Ystambul, Abý-Dabi men El-Kýveitke, al respýblikaishilik Astana, Almaty, Qaraǵandy, Oral, Aqtóbe jáne Aqtaý qalalaryna turaqty áýe reisteri ushady.
