"تۇركىستان-سامارقاند" اۋە رەيسى ءوز جۇمىسىن باستادى،- دەپ حابارلايدى Dalanews.kz
استانا قالاسىنان باستالعان اۋە باعىتى تۇركىستان ارقىلى سامارقاندقا ىڭعايلى ترانزيتپەن ۇشۋعا مۇمكىندىك الىپ وتىر.
جاڭا اۋە رەيسى اپتاسىنا 2 رەت، بەيسەنبى جانە جەكسەنبى كۇندەرى ۇشادى. بيلەت قۇنى ءبىر باعىتقا 23 500 تەڭگەدەن باستالادى.
جاڭا باعىت - قازاقستان مەن وزبەكستانعا، تۋريستىك قالالار تۇركىستان مەن سامارقاندقا ساياحاتتاۋعا اسا ىڭعايلى بولماق. تۋريستەر ءۇشىن ەرەكشە مۇمكىندىكتەر اشادى. اتالعان باعىتتاعى اۋە رەيستەرىن "Qazaq Air" اۋەكومپانياسى جۇزەگە اسىرادى.
ايتا كەتەيىك، جالپى تۇركىستان حالىقارالىق اۋەجايى ارقىلى حالىقارالىق رەيستەردەن ىستامبۇل، ابۋ-دابي مەن ەل-كۋۆەيتكە، ال رەسپۋبليكاىشىلىك استانا، الماتى، قاراعاندى، ورال، اقتوبە جانە اقتاۋ قالالارىنا تۇراقتى اۋە رەيستەرى ۇشادى.
