1994 جىلى قازان ايىنىڭ ورتاسىندا جوعارى كەڭەس نازارباەۆ ۇسىنعان ەكەجان قاجىگەلديندٸ پرەمەر-مينيسترلٸككە بەكٸتتٸ. ەيتسە دە پرەمەردٸڭ ورىنباسارلىعىنا ۇسىنىلعان التىنبەك سەرسەنبايۇلىنا قارسىلىق بٸلدٸرٸلٸپ, نازارباەۆتىڭ بەتٸن قايتارىپ تاستادى. التىنبەك سەرسەنبايۇلى جوعارى كەڭەستٸڭ مٸنبەرٸنە شىعا بەرگەندە-اق, "بۇل جولى پرەزيدەنت قاتەلەستٸ" دەگەن داۋىس جۇرتتى سەلت ەتكٸزدٸ. ول – دەپۋتات التىنشاش جاعانوۆا ەدٸ.
سول كەزدە التىنشاش جاعانوۆا:
"مەن تەك بٸر نەرسەنٸ ايتقىم كەلەدٸ. نۇرسۇلتان ەبٸشۇلى سٸزدٸڭ كانديداتۋراڭىزدى قولدادى جەنە ەلٸ دە قولداپ كەلەدٸ. بۇل جولى ول قاتەلەستٸ", – دەدٸ.
ال ٶز كەزەگٸندە التىنبەك سەرسەنبايۇلى:
"بولاشاقتا باسپاسٶز تۋرالى زاڭ كەرەك بولماۋى دا مٷمكٸن, سٶز بوستاندىعىنا كەپٸل بولاتىن كونستيتۋتسييانىڭ ٶزٸ دە جەتكٸلٸكتٸ بولادى", – دەپ جاۋاپ بەردٸ.
بۇل تاماشا ۋەج ەدٸ...
ٶتپەلٸ كەزەڭ دە ٶتتٸ. باق تۋرالى زاڭ – زاڭ كٷيٸندە قالدى. وسىدان سوڭ ەبٸش كەكٸلباەۆ داۋىسقا سالىپ, 58 دەپۋتات جاقتاپ, 61 دەپۋتات قارسى داۋىس بەردٸ. بۇل وقيعانىڭ مەنٸسٸن التىنشاش جاعانوۆانىڭ ٶزٸنەن دە سۇرادىق.
"پرەزيدەنت قاتتى رەنجٸدٸ. "التەكە, مۇنىڭىز نە, ول جاقسى جٸگٸت" دەدٸ. "جاقسى ەمەس, نۇرەكە! كٶرەسٸز ەلٸ" دەدٸم. مٸنە, ايتقانىم كەلدٸ. ٶيتكەنٸ بٸز دەپۋتات بولاردىڭ الدىندا مەن بٸر جىل الماتى قالالىق كەڭەستٸڭ دەپۋتاتى بولدىم. سوسىن بٸر جىلدان جوعارى كەڭەستٸڭ دەپۋتاتى بولعاسىن, مەن ول جاقتاعى جۇمىسىمنان باس تارتتىم. سول ۋاقىتتا قالادا بۇل دا (التىنبەك سەرسەنبايۇلى – رەد.) دەپۋتات بولدى. جۇرتتى مەنسٸنبەي, ايتقان ادامداردى قاتتى تويتارىپ وتىردى. تەرتٸبٸ سونداي بولدى. پرينتسيپتەرٸ باسقاشا بولاتىن. ماعان ۇنامايتىن ەيتەۋٸر", – دەدٸ التىنشاش جاعانوۆا.
وسى جايتتى التىنبەك سەرسەنبايۇلى ەسكە الىپ:
"مەنٸ بەكٸتپەگەنٸنە ەلٸ كٷنگە ريزامىن, راقمەت! مەنٸڭ ورنىما بولعان ۆيتسە-پرەمەردٸڭ كەزٸندە بٷكٸل ەلەۋمەتتٸك سالانىڭ تاس-تالقانى شىقتى. مەكتەپتەر قىسقاردى, اۋرۋحانالار جابىلدى, كٸتاپحانالار عايىپ بولدى. ول كەزدە مەن جاستاۋ ەدٸم. سولاقاي شەشٸمدەردٸڭ بەرٸنە تابانداپ قارسى تۇرار ەدٸم دەپ ايتا المايمىن. ەگەر سول كەزدە ۆيتسە-پرەمەر بولسام, تاس-تالقان بولعان دٷنيەنٸڭ وبالى ەلٸ كٷنگە دەيٸن موينىمدا تۇرار ەدٸ. مەنٸ سول جولى قۇداي قاقتى. ەلٸ كٷنگە سول اپايىمىزدى كٶرسەم, راقمەت ايتقىم كەپ تۇرادى", – دەگەن ەدٸ.
اسىلحان ماماشۇلىنىڭ
"قيلى كەزەڭ" دەرەكتٸ فيلمٸنٸڭ 12-بٶلٸمٸنەن ٷزٸندٸ.
