1 مامىردان باستاپ الماتى مەن پۋسان اراسىندا تىكەلەي اۋە رەيسى اشىلادى، دەپ حابارلايدى Dalanews.kz.
وڭتۇستىك كورەيانىڭ EasterJet اۋە كومپانياسى رەيستەردى اپتاسىنا ەكى رەت ورىندايدى.
"جاڭا باعىت وڭتۇستىك كورەيانىڭ ءىرى پورتتى قالاسى مەن الماتىنى جالعاپ، ەكى ەل اراسىنداعى تۋريستىك ءارى ىسكەرلىك بايلانىستاردى جاڭا دەڭگەيگە كوتەرەدى. سونىمەن قاتار ساپارلاردى بۇرىنعىدان دا قولجەتىمدى جانە ىڭعايلى ەتەدى"، - دەلىنگەن الماتى اكىمدىگىنىڭ حابارلاماسىندا.
الماتىعا وڭتۇستىككورەيالىق تۋريستەردىڭ قىزىعۋشىلىعى تۇراقتى تۇردە ارتىپ كەلەدى. 2025 جىلى قالاعا وڭتۇستىك كورەيادان 23 مىڭنان استام قوناق كەلگەن، بۇل وتكەن جىلمەن سالىستىرعاندا 15،3%-عا كوپ.
