دونالد ترامپ پەن سي تسزينپين بەيجٸڭدە كەلٸسسٶز جٷرگٸزە باستادى. كەزدەسۋ حالىق جينالىستارىنىڭ ٷلكەن زالىندا ٶتتٸ, دەپ حابارلايدى dalanews.kz.
ترامپ قىتايعا سوڭعى توعىز جىلدان كەيٸن العاش رەت بارىپ وتىر. ول قىتايدا ٷش كٷن بولىپ, ساپار اياسىندا قىتاي باسشىسىمەن جەكە كەزدەسۋ ٶتكٸزدٸ.
كەزدەسۋ بارىسىندا تاراپتار قىتاي حالىق-ازاتتىق ارميياسىنىڭ قۇرمەت قاراۋىلىن تاماشالاپ, ەسكەري بٶلٸمشەلەردٸڭ شەرۋٸن باقىلاعان.
كەلٸسسٶز كەزٸندە سي تسزينپين قىتاي مەن اقش اراسىنداعى قارىم-قاتىناسقا توقتالىپ, ەكٸ ەلدٸڭ سەرٸكتەس بولۋى ماڭىزدى ەكەنٸن ايتتى.
«قىتاي مەن اقش قارسىلاس ەمەس, سەرٸكتەس بولۋى كەرەك. ەكٸ مەملەكەت ورتاق جەتٸستٸك پەن ٶركەندەۋگە بٸرگە ۇمتىلۋى قاجەت», – دەدٸ قىتاي تٶراعاسى.
ونىڭ سٶزٸنشە, ەكٸ ەل اراسىنداعى تەكەتٸرەس ەكٸ تاراپقا دا زييان كەلتٸرەدٸ. سوندىقتان بەيجٸڭ بەن ۆاشينگتون بەسەكەلەس ەمەس, ەرٸپتەس رەتٸندە ەرەكەت ەتۋٸ تيٸس.
ال دونالد ترامپ اقش-تىڭ قىتايمەن ساۋدانى «تولىقتاي ٶزارا تيٸمدٸ نەگٸزدە» جٷرگٸزەتٸنٸن مەلٸمدەدٸ.
«سٸزدٸڭ دوسىڭىز بولۋ – مەن ٷشٸن قۇرمەت. قىتاي مەن اقش اراسىنداعى قارىم-قاتىناس بۇرىنعىدان دا جاقسى بولادى», – دەدٸ ترامپ.
كەزدەسۋدەن كەيٸن دونالد ترامپ قىسقا ٷزٸلٸس جاسايدى دەپ جوسپارلانعان. ال كەشكە سي تسزينپين امەريكالىق كٶشباسشىنىڭ قۇرمەتٸنە مەملەكەتتٸك بانكەت ۇيىمداستىرادى. قابىلداۋعا قىتاي شەنەۋنٸكتەرٸ, ساياساتكەرلەرٸ جەنە ٸرٸ بيزنەس ٶكٸلدەرٸ قاتىسادى.
اقش تاراپىنان بانكەتكە ترامپتىڭ ٶزٸ, مەملەكەتتٸك حاتشى, پرەزيدەنتتٸڭ ۇلى مەن كەلٸنٸ, سونداي-اق امەريكالىق ٸرٸ كەسٸپكەرلەر – يلون ماسك, تيم كۋك, NVIDIA باسشىلىعى جەنە ٶزگە دە بيزنەس ٶكٸلدەرٸ شاقىرىلعان.
سونداي-اق اقش پرەزيدەنتٸ قىتايعا ەلەمدەگٸ ٸرٸ بيزنەس ٶكٸلدەرٸن ەرتٸپ كەلگەنٸن ايتىپ, بۇل قادام ساۋدا بايلانىستارىن دامىتۋعا باعىتتالعانىن جەتكٸزدٸ.
