Tótenshe jaǵdailar ministrligi Qazaqstandaǵy sý tasqynyna qatysty málimdeme jasady. Vedomstvonyń habarlaýynsha, qazirgi tańda eldiń basym bóliginde tasqynnyń belsendi kezeńi báseńdep, jaǵdai turaqtalǵan. Barlyq óńirde monitoring júrgizilip jatyr, dep habarlaidy Dalanews.kz.
2026 jyldyń 1 naýryzynan bastap TJM janynan táýlik boiy jumys isteitin jedel shtab qurylǵan. Oǵan tiisti memlekettik organdardyń ókilderi tartylǵan. Sonymen qatar, barlyq oblystarda azamattyq qorǵaý qyzmetteri men vedomstvolardyń jumysyn úilestiretin óńirlik jedel shtabtar jumys istep jatyr.
Ministrliktiń málimetinshe, ońtústik jáne batys óńirlerde tasqynnyń belsendi kezeńi negizinen aiaqtalǵan. Al qazirgi ýaqytta tasqynnyń sharyqtaý shegi Aqmola oblysynda baiqalýda. Budan bólek, Soltústik Qazaqstan jáne Shyǵys Qazaqstan oblystaryndaǵy jaǵdai da baqylaýda.
Vedomstvo el boiynsha gidrologiialyq jaǵdai men sý basý qaýpi bar eldi mekender turaqty túrde baqylaýda ekenin atap ótti. Tasqynnyń aldyn alý maqsatynda keshendi jumystar júrgizilýde. Atap aitqanda, 9 mln tekshe metrden astam qar shyǵarylyp, 1,3 mln tekshe metrden astam erigen sý sorylǵan. Sondai-aq 79 myńnan astam qap tóselip, 103 myń tonna inertti material paidalanylǵan. 1,9 mln metrge jýyq aryq-kanal tazartylyp, 5 myńnan astam ýaqytsha bóget pen úiindi turǵyzylǵan.
Jalpy 43 áýe baqylaý jumysy júrgizilip, 305 tasqyn qaýpi bar eldi meken tekserilgen. Aerovizýaldy monitoring jalǵasyp jatyr.
Soltústik Qazaqstan oblysynda TJM áskeri bólimderiniń qyzmetkerleri tasqynǵa qarsy jumystarǵa tartylǵan. Jalpy alǵanda, el boiynsha 700-ge jýyq adam, 227 tehnika, 40 motopompa jáne bes júzý quraly jumyldyrylǵan.
Toǵyz óńirde muz keptelisteriniń aldyn alý úshin jarylys jumystary júrgizilgen. Barlyǵy 220 ýchaskede jalpy aýmaǵy 626 myń sharshy metrden astam jer qamtylyp, 29 myń metrden astam muz kesilip, 41 myńnan astam uńǵyma burǵylanǵan. Qazirgi ýaqytta Qostanai, Pavlodar jáne Aqmola oblystarynda 11 sý tasý faktisi, al Aqmola oblysynda úsh shaiylý jaǵdaiy baqylaýda tur.
Aqmola oblysynda eldi mekenderdi sý basýdyń aldyn alý úshin birqatar shara qabyldanǵan. 5 sáýirde Qorǵaljyn aýdanyndaǵy Sabyndy aýylynan soltústikke qarai ornalasqan "Shóptikól" bógetiniń bir bóligi zaqymdanǵan. Qazirgi ýaqytta bóget qalpyna keltirilip, eldi mekenderge qaýip joq.
Sondai-aq Astrahan aýdanyndaǵy Staryi Kolýton aýylyna kireberiste qardyń qarqyndy erýi men Kolýton ózenindegi sý deńgeiiniń kóterilýine bailanysty jol jabyny aldyn ala ashylǵan. Nátijesinde aýylmen kólik qatynasy ýaqytsha toqtaǵan. Degenmen, turǵyndar dári-dármek, azyq-túlik jáne janar-jaǵarmai qorymen qamtamasyz etilgen.
Shyǵys Qazaqstan oblysynda TJM áskeri qyzmetshileri tasqynǵa qarsy jumystardy aiaqtady. Qutqarýshylar Altai aýdanyndaǵy birqatar eldi mekenderde aldyn alý sharalaryn júrgizip, aryqtar men kópirlerdi tazartty, sý ótkizý nysandaryn retke keltirip, bógetterdi nyǵaitty. Sonymen qatar, turǵyndarmen túsindirý jumystary júrgizildi.
Soltústik Qazaqstan oblysynda da jaǵdai turaqty baqylaýda. Esil ózeni basseini men birqatar sý aidyndaryna áýeden baqylaý júrgizilip, qorǵanys dambalary nyǵaitylyp jatyr.
Qostanai oblysynda sý basý jaǵdailary tirkelmegen, sý deńgeii qaýipti mejeden aspaǵan. Al Abai jáne Qaraǵandy oblystarynda tasqyn kezeńi aiaqtalyp, jaǵdai turaqty deńgeide saqtalyp otyr.
