Ánshi Gúlnár Sıqymbaevanyń jalǵyz uly óli tabyldy, dep habarlaıdy Dalanews.kz.
Qaraly habardy jýrnalıs Jazıra Begaly jetkizdi..
"Ánshi Gúlnár Sıqymbaevanyń uly tabyldy. Marqumnyń neden qaıtys bolǵany belgisiz. Esterińizde bolsa, týystary Baırdyń 24 naýryzda úıden shyǵyp, habar-osharsyz ketkenin habarlaǵan edi. Ol - Qazaqstannyń Eńbek sińirgen ártisi Gúlnar Sıqymbaevanyń jalǵyz uly. Jany jannatta bolsyn", - dep jazdy ol.
Eske salaıyq, buǵan deıin ánshi Gúlnár Sıqymbaevanyń jalǵyz uly birneshe kúnnen beri tabylmaı jatqanyn jazdyq. Bul týraly onyń jary Uljan Sháripbekova málimdedi.
Uljan Sháripbekova "Barmysyń, baýyrym?" radıobaǵdarlamasynda kúıeýin izdestirip jatqanyn jetkizdi. Onyń sózinshe, Baır Sıqymbaev 24 naýryzda shamamen saǵat 13:00-de úıden shyǵyp ketip, sodan beri qaıta oralmaǵan. Keıin ony izdeý bastalyp, polısıaǵa da resmı túrde habar berilgen.
