ءانشى گۇلنار سيقىمبايەۆانىڭ جالعىز ۇلى ءولى تابىلدى، دەپ حابارلايدى Dalanews.kz.
قارالى حاباردى جۋرناليست جازيرا بەگالى جەتكىزدى..
"ءانشى گۇلنار سيقىمبايەۆانىڭ ۇلى تابىلدى. مارقۇمنىڭ نەدەن قايتىس بولعانى بەلگىسىز. ەستەرىڭىزدە بولسا، تۋىستارى بايردىڭ 24 ناۋرىزدا ۇيدەن شىعىپ، حابار-وشارسىز كەتكەنىن حابارلاعان ەدى. ول - قازاقستاننىڭ ەڭبەك سىڭىرگەن ءارتىسى گۇلنار سيقىمبايەۆانىڭ جالعىز ۇلى. جانى جانناتتا بولسىن"، - دەپ جازدى ول.
ەسكە سالايىق، بۇعان دەيىن ءانشى گۇلنار سيقىمبايەۆانىڭ جالعىز ۇلى بىرنەشە كۇننەن بەرى تابىلماي جاتقانىن جازدىق. بۇل تۋرالى ونىڭ جارى ۇلجان شارىپبەكوۆا مالىمدەدى.
ۇلجان شارىپبەكوۆا "بارمىسىڭ، باۋىرىم؟" راديوباعدارلاماسىندا كۇيەۋىن ىزدەستىرىپ جاتقانىن جەتكىزدى. ونىڭ سوزىنشە، باير سيقىمبايەۆ 24 ناۋرىزدا شامامەن ساعات 13:00-دە ۇيدەن شىعىپ كەتىپ، سودان بەرى قايتا ورالماعان. كەيىن ونى ىزدەۋ باستالىپ، پوليسياعا دا رەسمي تۇردە حابار بەرىلگەن.
