Almatydaǵy Kaisar Plaza biznes ortalyǵy elektron saýda arqyly satylymǵa shyǵaryldy, alaida satyp alýshy tabylmady, dep habarlaidy Dalanews.kz.
7 sáýirde nysan aýktsionda 61,5 milliard teńgege baǵalandy. Bul somaǵa ǵimarattyń ózin jáne jer telimin jalǵa alý quqyǵy kiredi. Saýda baǵany kóterý tásilimen ótedi dep josparlanǵan. Satylym týraly habarlandyrýdy 2 millionǵa jýyq adam qaraǵanymen, naqty satyp alýshy tabylmaǵan.
Portaldaǵy málimette aýktsion bastalǵan sátte saýda zalyna tirkelgen qatysýshylar bolmaǵany jazylǵan.
Biznes ortalyq Qaitarylǵan aktivterdi basqarý kompaniiasynyń qaramaǵynda. Nysandy buǵan deiin memleketke Qairat Satybaldy tapsyrǵan.
Tergeý barysynda ǵimarat zańsyz jolmen alynǵany anyqtalyp, 2023 jyly Qarjy ministrliginiń balansyna berilgen.
Kaisar Plaza - toǵyz qabatty keshen, panoramalyq qabaty men avtoturaǵy bar zamanaýi saýda-keńse ortalyǵy. Qazir munda 53 jalǵa alýshy jumys isteidi. Olardyń qatarynda iri bankter, buqaralyq aqparat quraldary jáne qoǵamdyq tamaqtaný oryndary bar.
