Qazaqstannyń Bas prokýratýrasy jelide tekserilmegen ári jalǵan aqparattyń taralýyna bailanysty azamattarǵa taǵy da eskertý jasady, dep habarlaidy Dalanews.kz.
Vedomstvo málimetinshe, keibir qoldanýshylar "haip" qýyp, jariialaǵan aqparattyń saldaryn eskere bermeidi. Mundai "tsifrlyq qaýesetter" qoǵamda dúrbeleń týǵyzýy, azamattar men uiymdardyń bedeline nuqsan keltirýi, sondai-aq memlekettik organdardyń jumysyna keri áser etýi múmkin.
Prokýratýra ókilderi internette tolyq anonimdik bolmaitynyn atap ótti. Qazirgi tehnologiialar kez kelgen jazbanyń nemese pikirdiń avtoryn anyqtaýǵa múmkindik beredi.
Sondai-aq jala jabý, qorlaý nemese kórineý jalǵan aqparat taratý zańmen qýdalanatyny eskertildi. Osyǵan bailanysty Bas prokýratýra azamattardy tek tekserilgen derekterdi jariialaýǵa, boljam men negizsiz pikirlerge súienbeýge shaqyrdy.
