قازاقستاننىڭ باس پروكۋراتۋراسى جەلىدە تەكسەرىلمەگەن ءارى جالعان اقپاراتتىڭ تارالۋىنا بايلانىستى ازاماتتارعا تاعى دا ەسكەرتۋ جاسادى، دەپ حابارلايدى Dalanews.kz.
ۆەدومستۆو مالىمەتىنشە، كەيبىر قولدانۋشىلار "حايپ" قۋىپ، جاريالاعان اقپاراتتىڭ سالدارىن ەسكەرە بەرمەيدى. مۇنداي "سيفرلىق قاۋەسەتتەر" قوعامدا دۇربەلەڭ تۋعىزۋى، ازاماتتار مەن ۇيىمداردىڭ بەدەلىنە نۇقسان كەلتىرۋى، سونداي-اق مەملەكەتتىك ورگانداردىڭ جۇمىسىنا كەرى اسەر ەتۋى مۇمكىن.
پروكۋراتۋرا وكىلدەرى ينتەرنەتتە تولىق انونيمدىك بولمايتىنىن اتاپ ءوتتى. قازىرگى تەحنولوگيالار كەز كەلگەن جازبانىڭ نەمەسە پىكىردىڭ اۆتورىن انىقتاۋعا مۇمكىندىك بەرەدى.
سونداي-اق جالا جابۋ، قورلاۋ نەمەسە كورىنەۋ جالعان اقپارات تاراتۋ زاڭمەن قۋدالاناتىنى ەسكەرتىلدى. وسىعان بايلانىستى باس پروكۋراتۋرا ازاماتتاردى تەك تەكسەرىلگەن دەرەكتەردى جاريالاۋعا، بولجام مەن نەگىزسىز پىكىرلەرگە سۇيەنبەۋگە شاقىردى.
