Qazaqstanda AI-92 benzininiń baǵasyn kóterýge qoiylǵan moratorii aiaqtaldy, dep habarlaidy Dalanews.kz.
Energetika vitse-ministri Suńǵat Esimhanovtyń sózinshe, Energetika ministrligi kúrt qymbatshylyqty boljap otyrǵan joq, biraq baǵa birtindep ósýi múmkin. Ol buǵan deiin janar-jaǵarmai naryǵy erkindikke jiberilgen kezde de baǵa birden sharyqtamaǵanyn eske saldy.
"Bul - tek Energetika ministrliginiń emes, Básekelestikti qorǵaý jáne damytý agenttigi, ákimdikter men basqa da memlekettik organdardyń birlesken jumysynyń nátijesi. Maqsat - básekege qarsy áreketterge jol bermeý", - dedi vitse-ministr Úkimettegi brifingte.
Suńǵat Esimhanov baǵaǵa baqylaý saqtalatynyn, sonyń ishinde naryqta artyq paidaǵa jol bermeý sharalary jalǵasatynyn atap ótti. Sonymen qatar, ol janarmai quny birtindep ósýi múmkin ekenin joqqa shyǵarmady.
"Shamaly ósim bolýy múmkin. Kórshi elderde janarmai áldeqaida qymbat. Biraq kúrt ózgeris bolmaidy dep oilaimyn", – dedi ol.
