2025 jyly bilim berý salasyndaǵy ortasha ailyq jalaqy 322,7 myń teńge boldy, dep habarlaidy Dalanews.kz.
Bul týraly Datahub Ulttyq statistika biýrosynyń derekterine silteme jasap habarlady.
Resmi derek boiynsha, jalaqy nominaldy túrde 6,8%-ǵa ósken. Alaida infliatsiiany esepke alǵanda, naqty jalaqy 4,1%-ǵa tómendegen.
Osylaisha, pedagogterdiń naqty tabysy qatarynan úshinshi jyl tómendep otyr. Onyń ústine, quldyraý qarqyny údeie túsken. Salystyrý úshin aitsaq, jalpy ekonomika boiynsha naqty jalaqy 1,4%-ǵa azaiǵan. Bul – 2017 jyldan bergi alǵashqy tómendeý.
Al buǵan deiin, 2019–2021 jyldary bilim salasyndaǵy jalaqy aitarlyqtai qarqynmen ósip, jyl saiyn orta eseppen 17,8% bolǵan. Bul kórsetkish basqa salalarmen salystyrǵanda shamamen eki ese joǵary bolǵan.
Qazirgi tańda bilim berý salasy jumyskerler sany boiynsha eń iri sektor bolyp qala beredi. Bul salada 1,1 million adam eńbek etedi, iaǵni barlyq zerttelgen kásiporyn qyzmetkerleriniń 29%-y.
Sonyń ishinde 708 myń adam mektepter men kolledjderde jumys isteidi. Dál osy segmentte naqty jalaqy 6,1%-ǵa tómendegen.
