2025 جىلى بٸلٸم بەرۋ سالاسىنداعى ورتاشا ايلىق جالاقى 322,7 مىڭ تەڭگە بولدى, دەپ حابارلايدى Dalanews.kz.
بۇل تۋرالى Datahub ۇلتتىق ستاتيستيكا بيۋروسىنىڭ دەرەكتەرٸنە سٸلتەمە جاساپ حابارلادى.
رەسمي دەرەك بويىنشا, جالاقى نومينالدى تٷردە 6,8%-عا ٶسكەن. الايدا ينفلياتسييانى ەسەپكە العاندا, ناقتى جالاقى 4,1%-عا تٶمەندەگەن.
وسىلايشا, پەداگوگتەردٸڭ ناقتى تابىسى قاتارىنان ٷشٸنشٸ جىل تٶمەندەپ وتىر. ونىڭ ٷستٸنە, قۇلدىراۋ قارقىنى ٷدەيە تٷسكەن. سالىستىرۋ ٷشٸن ايتساق, جالپى ەكونوميكا بويىنشا ناقتى جالاقى 1,4%-عا ازايعان. بۇل – 2017 جىلدان بەرگٸ العاشقى تٶمەندەۋ.
ال بۇعان دەيٸن, 2019–2021 جىلدارى بٸلٸم سالاسىنداعى جالاقى ايتارلىقتاي قارقىنمەن ٶسٸپ, جىل سايىن ورتا ەسەپپەن 17,8% بولعان. بۇل كٶرسەتكٸش باسقا سالالارمەن سالىستىرعاندا شامامەن ەكٸ ەسە جوعارى بولعان.
قازٸرگٸ تاڭدا بٸلٸم بەرۋ سالاسى جۇمىسكەرلەر سانى بويىنشا ەڭ ٸرٸ سەكتور بولىپ قالا بەرەدٸ. بۇل سالادا 1,1 ميلليون ادام ەڭبەك ەتەدٸ, ياعني بارلىق زەرتتەلگەن كەسٸپورىن قىزمەتكەرلەرٸنٸڭ 29%-ى.
سونىڭ ٸشٸندە 708 مىڭ ادام مەكتەپتەر مەن كوللەدجدەردە جۇمىس ٸستەيدٸ. دەل وسى سەگمەنتتە ناقتى جالاقى 6,1%-عا تٶمەندەگەن.
