Qazaqstanda jol apattarynyń basym bóligi júrgizýshilerdiń qateligine bailanysty, dep habarlaidy Dalanews.kz.
Mamandardyń aitýynsha, jyldamdyqty shamadan tys arttyrý, qarsy baǵytqa shyǵý, baǵdarshamnyń qyzyl túsine ótý, jaiaý júrginshilerge jol bermeý jáne kólik tizgininde otyryp telefon qoldaný – apatqa ákeletin negizgi sebepter.
Jyl basynan beri el boiynsha shamamen 3 millionǵa jýyq quqyqbuzýshylyq tirkelgen. Onyń 80 paiyzǵa jýyǵy avtomatty baqylaý júieleri arqyly anyqtalǵan.
Ereje buzý derekteri eń kóp tirkelgen óńirler qatarynda Almaty, Astana, Shymkent qalalary, sondai-aq Almaty jáne Túrkistan oblystary bar.
Ótken jyly Qazaqstanda 6 myńnan astam jol-kólik oqiǵasy boldy. Sonyń saldarynan 300-den astam adam kóz jumyp, 8 myńnan astamy túrli jaraqat alǵan.
