AQSh-ta Donald Tramp ákimshiligi Iran azamattaryna qatysty qatań sharalardy kúsheitip jatyr, dep habarlaidy Dala News.
Jańa saiasat aiasynda 3–4 myńǵa deiin vizany qaitaryp alý josparlanýda.
Málimetterge sáikes, bul sharalar negizinen Irannyń saiasi jáne ekonomikalyq elitasyna baǵyttalǵan. Vashington muny ulttyq qaýipsizdik jáne soǵys jaǵdaiyndaǵy qysymdy kúsheitý qajettiligimen túsindiredi.
Buǵan deiin Marko Rýbio birneshe irandyqqa berilgen vizalar men «grin-kartalardy» joiǵan. Olardyń qatarynda Iran biligimen bailanysy bar tulǵalar bolǵan, keibiri ustalyp, deportatsiialanýda.
Sarapshylardyń pikirinshe, bul qadam AQSh-tyń Iranǵa qarsy «qysym maksimým» saiasatynyń bir bóligi. Sonymen qatar, sońǵy ýaqytta júz myńnan astam viza qaita qaralyp, baqylaý kúsheigeni aitylyp otyr.
Bul sharalar AQSh pen Iran arasyndaǵy shielenis pen áskeri qaqtyǵys fonynda qabyldanyp jatyr.
