اقش-تا دونالد ترامپ اكىمشىلىگى يران ازاماتتارىنا قاتىستى قاتاڭ شارالاردى كۇشەيتىپ جاتىر، دەپ حابارلايدى Dala News.
جاڭا ساياسات اياسىندا 3–4 مىڭعا دەيىن ۆيزانى قايتارىپ الۋ جوسپارلانۋدا.
مالىمەتتەرگە سايكەس، بۇل شارالار نەگىزىنەن يراننىڭ ساياسي جانە ەكونوميكالىق ەليتاسىنا باعىتتالعان. ۆاشينگتون مۇنى ۇلتتىق قاۋىپسىزدىك جانە سوعىس جاعدايىنداعى قىسىمدى كۇشەيتۋ قاجەتتىلىگىمەن تۇسىندىرەدى.
بۇعان دەيىن ماركو رۋبيو بىرنەشە يراندىققا بەرىلگەن ۆيزالار مەن «گرين-كارتالاردى» جويعان. ولاردىڭ قاتارىندا يران بيلىگىمەن بايلانىسى بار تۇلعالار بولعان، كەيبىرى ۇستالىپ، دەپورتاسيالانۋدا.
ساراپشىلاردىڭ پىكىرىنشە، بۇل قادام اقش-تىڭ يرانعا قارسى «قىسىم ماكسيمۋم» ساياساتىنىڭ ءبىر بولىگى. سونىمەن قاتار، سوڭعى ۋاقىتتا ءجۇز مىڭنان استام ۆيزا قايتا قارالىپ، باقىلاۋ كۇشەيگەنى ايتىلىپ وتىر.
بۇل شارالار اقش پەن يران اراسىنداعى شيەلەنىس پەن اسكەري قاقتىعىس فونىندا قابىلدانىپ جاتىر.
