Almatyda túngi ýaqytta júrgizýshilerdi jappai tekserý kúsheitilip, qala joldarynda arnaiy «filtratsiialyq beketter» ornatyldy, dep habarlaidy Dala News.
Jańa format boiynsha iri magistraldarda jol taryltylyp, kólik qozǵalysy baiaýlatylady. Osydan keiin inspektorlar júrgizýshilerdi tańdap toqtatyp, tekseris júrgizedi. Onyń ishinde mas kúiin anyqtaý da bar.
Mundai ýchaskelerdiń biri Shyǵys ainalma avtomobil jolynda (VOAD) jumys istegen. Onda jyldamdyq 40–60 km/saǵ deiin tómendetilip, joldyń tarylatyny aldyn ala eskertilgen.
Politsiia málimetinshe, nebári bes kún ishinde 9 820 quqyqbuzýshylyq anyqtalǵan. Onyń ishinde:
– 43 júrgizýshi mas kúide bolǵan
– 78 adam júrgizýshi kýáliginsiz kólik basqarǵan
– 12 júrgizýshi buryn quqyǵynan aiyrylsa da, qaita rýlge otyrǵan
Sondai-aq 14 jalǵan nómir qoldaný faktisi jáne qarsy baǵytqa shyǵýdyń ondaǵan deregi tirkelgen.
Quqyq qorǵaý organdary mundai sharalar jol qaýipsizdigin arttyrýǵa baǵyttalǵanyn atap ótti.
