Premer-ministr Oljas Bektenov memlekettik organdarǵa Konstitýtsiiany túsindirý jónindegi is-sharalar josparyn tolyq ári júieli iske asyrýdy tapsyrdy, dep habarlaidy Dala News.
Úkimet otyrysynda ol qazirgi tańda Konstitýtsiiadaǵy jańashyl normalardy túsindirý jumystary sarapshylar men qoǵam qairatkerleriniń qatysýymen júrgizilip jatqanyn atap ótti.
Premer-ministrdiń aitýynsha, bul baǵyttaǵy jumysty odan ári kúsheitý qajet. Osyǵan bailanysty Mádeniet jáne aqparat ministrligine ýákiletti organdarmen birlesip aqparattyq-túsindirý jumystaryn jalǵastyrý tapsyryldy.
Sonymen qatar Oqý-aǵartý jáne Ǵylym jáne joǵary bilim ministrlikterine halyqtyń quqyqtyq saýattylyǵyn arttyrýǵa baǵyttalǵan keshendi baǵdarlamany ázirleý mindeti júkteldi. Konstitýtsiianyń jańa qaǵidattaryn bilim berý baǵdarlamalaryna engizý de osy tapsyrma aiasynda qarastyrylǵan.
Budan bólek, Úkimet basshysy qoldanystaǵy zańnamany qaita qarap, ony Konstitýtsiia normalaryna sáikestendirý jumystaryn belgilengen merzimde aiaqtaýdy tapsyrdy.
Barlyq ortalyq jáne jergilikti memlekettik organdarǵa is-sharalar josparynyń oryndalýyn qamtamasyz etý mindetteldi.
