پرەمەر-مينيستر ولجاس بەكتەنوۆ مەملەكەتتىك ورگاندارعا كونستيتۋسيانى ءتۇسىندىرۋ جونىندەگى ءىس-شارالار جوسپارىن تولىق ءارى جۇيەلى ىسكە اسىرۋدى تاپسىردى، دەپ حابارلايدى Dala News.
ۇكىمەت وتىرىسىندا ول قازىرگى تاڭدا كونستيتۋسياداعى جاڭاشىل نورمالاردى ءتۇسىندىرۋ جۇمىستارى ساراپشىلار مەن قوعام قايراتكەرلەرىنىڭ قاتىسۋىمەن جۇرگىزىلىپ جاتقانىن اتاپ ءوتتى.
پرەمەر-مينيستردىڭ ايتۋىنشا، بۇل باعىتتاعى جۇمىستى ودان ءارى كۇشەيتۋ قاجەت. وسىعان بايلانىستى مادەنيەت جانە اقپارات مينيسترلىگىنە ۋاكىلەتتى ورگاندارمەن بىرلەسىپ ءاقپاراتتىق-تۇسىندىرۋ جۇمىستارىن جالعاستىرۋ تاپسىرىلدى.
سونىمەن قاتار وقۋ-اعارتۋ جانە عىلىم جانە جوعارى ءبىلىم مينيسترلىكتەرىنە حالىقتىڭ قۇقىقتىق ساۋاتتىلىعىن ارتتىرۋعا باعىتتالعان كەشەندى باعدارلامانى ازىرلەۋ مىندەتى جۇكتەلدى. كونستيتۋسيانىڭ جاڭا قاعيداتتارىن ءبىلىم بەرۋ باعدارلامالارىنا ەنگىزۋ دە وسى تاپسىرما اياسىندا قاراستىرىلعان.
بۇدان بولەك، ۇكىمەت باسشىسى قولدانىستاعى زاڭنامانى قايتا قاراپ، ونى كونستيتۋسيا نورمالارىنا سايكەستەندىرۋ جۇمىستارىن بەلگىلەنگەن مەرزىمدە اياقتاۋدى تاپسىردى.
بارلىق ورتالىق جانە جەرگىلىكتى مەملەكەتتىك ورگاندارعا ءىس-شارالار جوسپارىنىڭ ورىندالۋىن قامتاماسىز ەتۋ مىندەتتەلدى.
