Qazaqstanda azamattardyń zeinetaqy jinaqtarynyń bir bóligin paidalaný tártibi ózgerýi múmkin. Bilik ókilderi jetkiliktilik shekti qaita esepteýdi usyndy. Atalǵan kórsetkish zeinetaqy qorynda jinalǵan aqshanyń qai bóligi artyq ekenin jáne ony úi alýǵa nemese emdelýge paidalanýǵa bolatynyn anyqtaidy, dep habarlaidy Dalanews.kz.
Jańa usynysqa sáikes, jetkiliktilik shegin esepteý tásili qatańdaýy múkin. Nátijesinde, zeinetaqy jinaǵynyń bir bóligin paidalaný burynǵydan qiyndai túspek.
Qazirgi júie boiynsha, eger azamattyń zeinetaqy shotyndaǵy qarajaty belgilengen shekten assa, artyq bóligin turǵyn úi satyp alýǵa nemese meditsinalyq qyzmetterge jumsaýǵa ruqsat beriledi. Alaida bul shek qaita qaralsa, paidalanýǵa bolatyn soma da ózgerýi yqtimal.
Úkimet jańa tásildi ómir boiy tólenetin zeinetaqy annýitetiniń qunyna negizdeýdi usynyp otyr. Iaǵni, azamat zeinetke shyqqannan keiin turaqty tólem alatyndai jetkilikti qarajat qalýyn qamtamasyz etý kózdeledi.
Aita ketý kerek, zeinetaqy annýitetin rásimdeý úshin qomaqty qarjy qajet. Azamat óz jinaǵyn saqtandyrý kompaniiasyna aýdaryp, esesine ómir boiy tólem alýǵa kelisim jasaidy. Tájiribede mundai annýitetti rásimdeý úshin kóbine 10 million teńgeden astam qarajat talap etiledi. Endi jetkiliktilik shegin esepteý osy qarjylyq logikaǵa súienýi múmkin.
Qujat qazirgi ýaqytta qoǵamdyq talqylaýǵa shyǵarylǵan. Talqylaý 2026 jyldyń 21 sáýirine deiin jalǵasady.
Eske salaiyq, buǵan deiin naýryz aiynda qazaqstandyqtardyń turǵyn úi maqsatynda zeinetaqy qarajatyn sheship alý belsendiligi kúrt tómendegeni belgili bolǵan.
