Tergeýshiler onyń qaitys bolǵanǵa deiingi oqiǵalardyń búkil hronologiiasyn tizbektep, tekserip shyqty.
Aǵadilge kúdikti retinde izdeý jariialandy, óitkeni ol ketpeý týraly qolhatta óz moinyna alǵan mindettemeden jaltaryp, tergeý organy talaptaryn oryndamady. Osy sebepterge bailanysty sot aldynda oǵan qatysty taǵaiyndaǵan bultartpaý sharasyn qamaýǵa alýǵa aýystyrdy. Osylaisha, sot sheshimin oryndaǵan politsiia qyzmetkerleriAǵadildi ustaý jáne ony qamaýdy zańnyń talaby aiasynda júrgizdi.
Aǵadildiń óliminiń sebepteri men jaǵdailaryn tájiribeli meditsinalyq-sot sarapshylary jáne joǵary sanattaǵy kardiologtardan turatyn komissiia muqiiat zerttedi, dep habarlady Nur-Sultan qalalyq prokýratýrasy.
Olardyń qatarynda Aǵadildiń jaqyn týystarynyń ótinishi boiynsha tartylǵan mamandar da boldy. Olar Aǵadildiń ólimine koronarlyq arteriialar men arterioldyń qatty spazmasynyń kúsheiýi nátijesinde qan uiyp, júrektiń sol qalqanshasyna qannyń jinalýy saldarynan miokard infarkt sebep bolǵanyn anyqtady.
Sarapshylar Aǵadildiń denesinen dene jaraqattaryn tappady.
Osyǵan bailanysty 25 mamyrda Aǵadildiń ólimine qatysty qozǵalǵan qylmystyq is qylmystyq quramnyń bolmaýyna bailanysty toqtatyldy.
25 aqpanda qoǵam belsendisi Nur-Sultan qalasyndaǵy tergeý izoliatorynda qaitys bolǵandyǵy belgili boldy.
