«QAREKET Jaqsylyq jasa» qoǵamdyq qory «Parasat» aýylynyń turǵyndaryna Ross 308 tuqymynyń 200 broiler balapandaryn taratty. Qaiyrymdylyq sharasyn uiymdastyrýshylar «Kómekteskiń kelse balyq berme, qarmaq ber» degen danalyqty basshylyqqa alyp, otbasylarǵa 20 balapandy taratý etti. Óz kezeginde aýyl turǵyndary mundai syiǵa rizashylyqtaryn bildirdi. Endi olar óz otbasylaryn qamtamasyz etip qana qoimai, ekologiialyq nano-biznes bastap, balalaryn eńbekke baýlymaqshy.
Aktsiia barysynda «Ulttyq eriktiler jelisi» ZTB eriktileri qajetti azyq-túlikti jinastyryp, jóneltýge ázirledi. Al «Bolashaqqa qadam» qoǵamdyq qory 30 azyq-túlik qorabyn muqtaj adamdarǵa jetkizdi. Sonymen qatar, balalar kiimi satylatyn dúkenderimen kelisim-shart jasaldy. Osylaisha aýtrich-qyzmetkerlerdiń balalaryna kiim-keshek taratty. «Muqtajdarǵa kómek» qaiyrymdylyq qory kómekke zárý 35 otbasyǵa azyq-túlikpen kómek kórsetti.
«AIaLA» qorynyń kúshimen «Shedroe serdtse» jobasy aiasynda Nur-Sultan qalasynyń turǵyndaryna 100 azyq-túlik qoraby taratyldy. Is-shara barysynda kópbalaly otbasylar, jalǵyzbasty analar, jetim balalar jáne tabysynan aiyrylǵan jandar qamtyldy. «AIaLA» qory elordalyq ákimdikte berilgen tizimge súiene otyryp kilegei, airan, sary mai, shujyq, irimshik, jemis-jidek, kókónis, shái, jumyrtqa, balyq jáne et ónimderi, qant, jýǵysh zattar jáne gigiena zattary jinalǵan qoraptardy muqtaj adamdarǵa jetkizdi. «Koronavirýs pandemiiasynyń kesirinen kóptegen adam qiyn jaǵdaiǵa tap bolǵan osy ýaqytta, biz qolymyzdan kelgenshe kómek kórsetken mańyzdy jáne qajetti dep uiǵardyq» Aiala qory.
«AIaLA» qaiyrymdylyq qorynan kómek alǵan Nur-Sultan qalasynyń turǵyny Sáýle Esmaǵambetova: «Meniń otbasymda 5 adam bar. Men, meniń anam, ota jasalǵan ápkem jáne eki balam. Barlyǵynyń densaýlyǵy joq. Karantinge deiin jumys istedim. Qazir ýaqytsha jumyssyzbyn. Árine, indettiń taralýyna qatty ýaiymdaimyn. Bizge berilgen kómekke óte rizamyn. Búkil azyq-túlik dámdi jáne úlken kólemde eken! Buryn mundai kómek alyp kórmep edik. Sizderge úlken raqmet!» dedi.
Almaty qalasynda «Aq Jurek» táýelsiz qaiyrymdylyq qory «Qolda» shuǵyl kómek jobasynyń aiasynda «Taýasar» qorynyń TJ kezeńindegi jumysyn jalǵastyrdy. «Aq Jurek» Almatyda meditsina qyzmetkerlerin ystyq tamaqpen qamtýdy uiymdastyrýdy jalǵastyrýda.
Nur-Sultan qalasynyń turǵyna Dinara Qojabaeva da «Aiala» qoryna alǵysyn bildirdi.
– Biz joldasym ekeýmiz jáne 2 erekshe balamyz bar. Úlken qyzym 7 jasta, al kishi qyzym 2 jasta. Koronavirýs indeti kezeńinde, bálkim, kóbinese balalarymyz ben jaqyndarymyzdyń densaýlyǵyna alańdaimyz. Barlyǵy qymbattap jatyr, kóp nárseden bas tartýǵa májbúrmiz. Biz «AIaLA» qorynan azyq-túlik qorjynyn aldyq, oǵan balalarymyz qatty qýandy. Munda sút ónimderiniń túr-túri, jemis-jidekter, kókóniste, balalarǵa qajettiniń bári bar eken. Konserviler, jarmalar bar, tipti himiiany da salýdy
umytpapty. Kórsetilgen kómek úshin úlken alǵysymyzdy bildiremin! – dedi.
11-17 mamyr aralyǵynda dárigerler, sanitarlar, feldsherler jáne jedel járdem qyzmetkerlerine 1250 túski as uiymdastyryldy. Qairymdylyq sharalary I.Jekenova atyndaǵy qalalyq klinikalyq aýrýhana, Qazaqstan sanatoriii, Ortalyq qalalyq klinikalyq aýrýhana men Almaty aimaqtyq kópsalaly klinikasyn qamtydy.
«Bizdiń jobamyz «Otan ana» dep atalady. «Bir qolymen besikti, bir qolymen álemdi terbetken ana» demekshi, Otanǵa degen mahabbat anany súiýden bastalady. «Qolda» jobasynyń arqasynda biz karantinge deiin de ómirlerinde qiyndyq kóp bolǵan, kómekke muqtaj kópbalaly analarǵa qoldaý kórsete aldyq» Túrksib aýdanynyń kópbalaly analar odaǵynyń belsendileri.
