Aqtóbede 7 jastaǵy oqýshyny aldap, urlamaq bolǵan áıel ustaldy, dep habarlaıdy Dalanews.kz Caspian News-ke siltep.
Oqıǵa kúndiz qalanyń Eset batyr shaǵynaýdanynda bolǵan. Basylym málimetinshe, kópqabatty úıdiń aýlasynda oınap júrgen jetkinshekti belgisiz áıel "saqına beremin" dep aldap, sońynan qalmaǵan.
"Kúdiktiniń áreketi sol mańdaǵy dúkenderdiń biriniń beınekamerasyna jazylyp qalǵan. Beınejazbada áıeldiń balany ertip bara jatqany, keıin qyz ońtaıly sátti paıdalanyp qashqany anyq kórinedi", - dep jazylǵan málimette.
Sol sátte qyzdyń anasy jaqyn mańdaǵy dúkende bolǵan. Anasynyń aıtýynsha, qoryqqan qyzy júgirip kelip, bolǵan jaǵdaıdy aıtyp bergen.
