Atyraý turǵyndary densaýlyqtarynyń nasharlaǵanyna alańdap, ony Atyraý munai óńdeý zaýyty shyǵaryndylarymen bailanystyryp otyr, dep habarlaidy Dalanews.kz Nege.kz-ke silteme jasap.
Ótken aida kásiporyn 520 million teńge kóleminde aiyppul arqalaǵan. Tekserý nátijesinde aýadaǵy kúkirtsýtek mólsheri ruqsat etilgen normadan 36 esege deiin asyp ketkeni anyqtalǵan.
Kúkirtsýtek – ýly zat. Onyń shamadan tys mólsheri bas aýrýyn, júrek ainýyn, kózdiń ashýyn jáne tynys joldarynyń titirkenýin týyndatýy múmkin. Al joǵary kontsentratsiiada adam aǵzasyna asa qaýipti.
Resmi statistika da alańdatarlyq kórinisti kórsetip otyr. 2024 jyly Atyraý oblysynyń qala turǵyndary arasynda 100 myń adamǵa shaqqanda qan ainalymy júiesi aýrýlary 4093,5 bolǵan. El boiynsha bul kórsetkish 2972,2 deńgeiinde.
Qan qysymynyń joǵarylaýyna bailanysty aýrýlar óńirde 1860,4 bolsa, respýblika boiynsha 1286,7 tirkelgen.
Qan jáne tamyr aýrýlary Atyraýda 2143,2 kórsetkishke jetken. Qazaqstan boiynsha bul san 864,4 bolǵan.
Balalar arasyndaǵy týa bitken qan ainalymy júiesi aqaýlary da joǵary deńgeide. Óńirde 180,6 bolsa, el boiynsha 115,8 kórsetkishin kórsetken.
Tynys alý organdary aýrýlary 2023 jyldan 2024 jylǵa deiin 100 myń adamǵa shaqqanda 11 699-dan 13 431-ge deiin ósken. Al pnevmoniia derekteri 585,7-den 808,7-ge deiin kóbeigen.
