اتىراۋ تۇرعىندارى دەنساۋلىقتارىنىڭ ناشارلاعانىنا الاڭداپ, ونى اتىراۋ مۇناي ٶڭدەۋ زاۋىتى شىعارىندىلارىمەن بايلانىستىرىپ وتىر, دەپ حابارلايدى Dalanews.kz Nege.kz-كە سٸلتەمە جاساپ.
ٶتكەن ايدا كەسٸپورىن 520 ميلليون تەڭگە كٶلەمٸندە ايىپپۇل ارقالاعان. تەكسەرۋ نەتيجەسٸندە اۋاداعى كٷكٸرتسۋتەك مٶلشەرٸ رۇقسات ەتٸلگەن نورمادان 36 ەسەگە دەيٸن اسىپ كەتكەنٸ انىقتالعان.
كٷكٸرتسۋتەك – ۋلى زات. ونىڭ شامادان تىس مٶلشەرٸ باس اۋرۋىن, جٷرەك اينۋىن, كٶزدٸڭ اشۋىن جەنە تىنىس جولدارىنىڭ تٸتٸركەنۋٸن تۋىنداتۋى مٷمكٸن. ال جوعارى كونتسەنتراتسييادا ادام اعزاسىنا اسا قاۋٸپتٸ.
رەسمي ستاتيستيكا دا الاڭداتارلىق كٶرٸنٸستٸ كٶرسەتٸپ وتىر. 2024 جىلى اتىراۋ وبلىسىنىڭ قالا تۇرعىندارى اراسىندا 100 مىڭ ادامعا شاققاندا قان اينالىمى جٷيەسٸ اۋرۋلارى 4093,5 بولعان. ەل بويىنشا بۇل كٶرسەتكٸش 2972,2 دەڭگەيٸندە.
قان قىسىمىنىڭ جوعارىلاۋىنا بايلانىستى اۋرۋلار ٶڭٸردە 1860,4 بولسا, رەسپۋبليكا بويىنشا 1286,7 تٸركەلگەن.
قان جەنە تامىر اۋرۋلارى اتىراۋدا 2143,2 كٶرسەتكٸشكە جەتكەن. قازاقستان بويىنشا بۇل سان 864,4 بولعان.
بالالار اراسىنداعى تۋا بٸتكەن قان اينالىمى جٷيەسٸ اقاۋلارى دا جوعارى دەڭگەيدە. ٶڭٸردە 180,6 بولسا, ەل بويىنشا 115,8 كٶرسەتكٸشٸن كٶرسەتكەن.
تىنىس الۋ ورگاندارى اۋرۋلارى 2023 جىلدان 2024 جىلعا دەيٸن 100 مىڭ ادامعا شاققاندا 11 699-دان 13 431-گە دەيٸن ٶسكەن. ال پنەۆمونييا دەرەكتەرٸ 585,7-دەن 808,7-گە دەيٸن كٶبەيگەن.
