Donald Tramp amerikalyq milliarder Ilon Maskty ministr etip taǵaiyndady. Ol taǵy bir amerikalyq kásipker Vivek Ramasvamimen birge Memlekettik basqarý tiimdiligi departamentiniń arnaiy qurǵan basqarmasyna basshylyq etetin boldy, dep habarlady Dalanews.kz.
Bul jańalyq paida bola salysymen, sailaýda Tramp jeńdi degeli kórsetkish shkalalary "oinai" bastaǵan qarjy naryǵynda Maksqa tiesili Tesla aktsiialarynyń quny birden boi kóterdi, baqandai 25 paiyzǵa (300-den 400 dollarǵa).
Sarapshylar Tramptyń sailaýdaǵy jeńisi "Tesla tarihyndaǵy jáne Mask úshin túbegeili betburys bolady" dep sanaidy. Basshylyq qyzmetke Masktyń taǵaiyndalýy elektr kólikterdi jasandy intellekt kómegimen tolyǵymen avtonomdy (FSD júiesin) júiege kóshirý syndy kompaniianyń ambitsiialyq maqsatyn júzege asyrýǵa múmkindik týǵyzbaq.
Aq úige jaqyndyǵynyń arqasynda Mask bailyǵy eselene túsedi dep boljanady. Memlekettik kelisimsharttyń arqasynda onyń SpaceX kompaniiasy 19 mlrd dollar qosymsha qarajat tartpaq, dep topshylaidy CNBC. Odan bólek, atalǵan telearna "FSD qaýipsizdigine qatysty kompaniia atyna túsken 19 federaldy shaǵymdar keri qaitaryp alynýy múmkin" degen habar taratty.
Sailaý bastalǵan kúnnen bastap osy aptanyń dúisenbisi aralyǵynda elektr kólikterin óndirýshi kompaniianyń baǵaly qaǵazdary 35%-dan asaǵa qymbattap, Investing.com-nyń esepteýinshe, Masktyń bailyǵy shamamen 70 milliard dollarǵa ósti.
SAIaSAT MÁSELESINE QAITA ORALSAQ:
Tramp bul eki adamnyń úkimettegi YSYRAPShYLDARMEN kúrsetinin málimdedi, dep jazady Reuters.
"Mundaida júiede silkinis bolady, óitkeni úkimette ysyrapshyldyqqa qatysty adam kóp", dep CNN Masktyń sózin keltiredi.
Jańa qyzmetke Mask kezdeisoq tańdalyp alynbaǵan. Hargreaves Lansdown kompaniiasynyń qarjy jáne naryqtar bóliminiń basshysy Siýzanna Strit biýrokratiialyq bylyq-shylyqtan arylý mindetin tehnologiialyq innovatsiialardyń aldyńǵy qatarynda turǵan Mask kompaniiasy jaqsy atqara alady dep sanaidy. Biýdjet tapshylyǵy daǵdarysyna ushyrap (úkimet 3 trln teńge tappai jatyr), Ulttyq qory (biyl biýdjet tapshylyǵyn jabý úshin qordan 6 trln teńge alyndy) tesik shelekke ainalǵan Qazaqstanǵa da osyndai bir adam qazir aýadai qajet bolyp turǵany. Sondyqtan ysyrapshyldarmen kúrespek Maskqa qazaqtardyń da nazary aýyp, bul rettegi jańalyqtardy jibermei qaraityny haq. Sebebi mundai isti dóńgeletý bizdegi jańa Qazaqstan Úkimeti basyna arnaiy aldyrtylǵan burynǵy Antikor basshysynyń qolynan kelmei jatqany...
