Astanada ózin týr uiymdastyrýshy retinde tanystyrǵan azamatqa qatysty sot úkimi shyqty. Ol qajylyqqa barýdy josparlaǵan 17 adamdy aldap, 7,4 mln teńgeden astam qarajatty iemdengen, dep habarlaidy Dalanews.kz.
Tergeý derekterine sáikes, kúdikti jábirlenýshilerge ushaq biletterin alyp berý jáne qonaqúi brondaý qyzmetin usynamyn dep sendirgen. Alaida ýáde etilgen qyzmetter kórsetilmegen. Zardap shekkenderdiń arasynda ártúrli óńirlerden kelgen, qart ata-analaryn ýmraǵa jiberýdi josparlaǵan otbasylar da bar.
Sotta aiyptalýshy óz kinásin tolyq moiyndap, keltirilgen shyǵyndy ótegen.
Sot sheshimimen oǵan 3 jyl merzimge bas bostandyǵyn shekteý jazasy taǵaiyndalyp, probatsiialyq baqylaý belgilendi.
Prokýratýra azamattarǵa qajylyq qyzmetterin tek litsenziiasy bar týristik agenttikter arqyly rásimdeýdi usynady.
