Muny ÓKQ-da ótken brifingte oblys ákimi Nariman Tóreǵaliev aitty, – dep habarlaidy Dalanews.kz BQO ákiminiń baspasóz qyzmetine silteme jasap.
Biylǵy kóktemdegi sý tasqynyna bailanysty oblysta óte kúrdeli jaǵdai qalyptasqany barshaǵa málim. Sý tasqyny saldarynan 2 myńǵa jýyq turǵyn úi jáne 15 myńdai saiajai ýchaskeleri sý astynda qaldy.
– Der kezinde qabyldanǵan sharalardyń arqasynda 9994 otbasyǵa 3,6 mlrd. teńge kóleminde birjolǵy áleýmettik kómek tólendi. Budan bólek, 10 myńnan astam otbasyǵa keltirilgen shyǵyndarǵa 3,7 mlrd. teńgege materialdyq kómek berildi, – dedi Nariman Tóreǵaliev.
Turǵyndardyń baspanasyn qalpyna keltirý jumystaryn júrgizý úshin 4,3 mlrd teńgege jóndeý jumystary júrgizildi. Jalpy sany 1939 páter satyp alynyp, 889 jańa turǵyn úiler salyndy. Qaiyrymdylyq qorlarynyń esebinen 69 januiaǵa jańa baspana berildi.
