Tótenshe jaǵdailar ministrliginiń áskeri bóliminiń qyzmetshileri Soltústik Qazaqstan oblysyndaǵy sý basý qaýpi bar ýchaskelerde tasqynǵa qarsy jumystar júrgizip jatyr, dep habarlaidy Dalanews.kz.
Aqmola oblysyndaǵy jaǵdai
Aqmola oblysynda avtomobil joldarynda 4 jerde sý aqqan. Olar Ereimentaý, Egindikól aýdandary men Birjan sal aýdanynda ornalasqan. Staryi Kolýton aýylymen kólik qatynasy qalpyna keltirildi. Jalpy oblystaǵy jaǵdai turaqty.
Shyǵys Qazaqstandaǵy jumystar
Shyǵys Qazaqstan oblysynda tasqynǵa qarsy sharalar jalǵasýda. Óńirde qar jamylǵysy shamamen 35% deńgeiinde saqtalǵan, negizinen taýly aimaqtarda.Altai aýdanynda aryq júieleri tazartylyp, Zýbovka ózenine baratyn kanaldan aǵash-buta qaldyqtary shyǵaryldy, ózen arnasy qalypty jaǵdaiǵa keltirildi. Sonymen qatar Beriozovka ózeniniń arnasy 700 metrge deiin tereńdetildi.
Halyqpen tasqyn kezindegi qaýipsizdik sharalary boiynsha túsindirý jumystary júrgizilip, arnaiy qaǵazdar taratyldy. Qazirgi ýaqytta 600 qap daiyndalyp, qosymsha shamamen 8 tonna inertti material ázirlengen. Sý deńgeii úsh gidrobeket arqyly baqylanýda.Úlken Naryn aýdanynda Sýrka ózeniniń arnasy tazartylyp, túbi tereńdetilip, jaǵalaýy bekitildi. Katonqaraǵai aýdanyndaǵy Barlyq aýylynda Buqtyrma ózeninde 21 myń sharshy metr aýmaqta muz jarý jumystary júrgizildi. Bul muz keptelisiniń aldyn alyp, eldi mekenderdi sý basý qaýpin azaitty.
Glýbokoe aýdanyndaǵy Praporshikovo aýylynda Ertis ózeninde sý deńgeii kóterilgen jaǵdaida «Otan» kóshesin qorǵaý úshin qorǵanys úiindisin nyǵaitý jumystary jalǵasýda. Qazirgi tańda úiindiniń biiktigi 1–1,8 metr, uzyndyǵy 145 metr, eni 10–15 metr.Jaǵdaiǵa monitoring jergilikti atqarýshy organdar men tótenshe jaǵdailar bólimsheleri tarapynan, sonyń ishinde ushqyshsyz ushý apparattary arqyly júrgizilýde.
Soltústik Qazaqstan oblysyndaǵy jaǵdai
Soltústik Qazaqstan oblysynda tasqyn jaǵdaiy turaqty baqylaýda. Óńirde TJM-niń 28237 áskeri bóliminiń kúshteri jumyldyrylǵan.
Olar Petropavl qalasy, Zarechnyi kenti jáne Qyzyljar aýdanyndaǵy Beskól aýylynda jumys istep jatyr.Qyzyljar aýdanynda jáne Petropavl mańynda qorǵanys bógetterin nyǵaitý úshin 29 myń qap daiyndalyp, 10,8 myń qap tóselgen. Sonymen qatar Esil ózeniniń tasqyn sýlary bógetterdi shaiyp ketpeýi úshin 2,5 myń metr polietilen tósemi salyndy.Tasqyn jaǵdaiyn baqylaý aiasynda ózender, kólder men sý qoimalarynyń basseinderine áýeden sholý jasaldy.
