توتەنشە جاعدايلار مينيسترلىگىنىڭ اسكەري ءبولىمىنىڭ قىزمەتشىلەرى سولتۇستىك قازاقستان وبلىسىنداعى سۋ باسۋ ءقاۋپى بار ۋچاسكەلەردە تاسقىنعا قارسى جۇمىستار جۇرگىزىپ جاتىر، دەپ حابارلايدى Dalanews.kz.

اقمولا وبلىسىنداعى جاعداي

اقمولا وبلىسىندا اۆتوموبيل جولدارىندا 4 جەردە سۋ اققان. ولار ەرەيمەنتاۋ، ەگىندىكول اۋداندارى مەن ءبىرجان سال اۋدانىندا ورنالاسقان. ستارىي كولۋتون اۋىلىمەن كولىك قاتىناسى قالپىنا كەلتىرىلدى. جالپى وبلىستاعى جاعداي تۇراقتى.

شىعىس قازاقستانداعى جۇمىستار

شىعىس قازاقستان وبلىسىندا تاسقىنعا قارسى شارالار جالعاسۋدا. وڭىردە قار جامىلعىسى شامامەن 35% دەڭگەيىندە ساقتالعان، نەگىزىنەن تاۋلى ايماقتاردا.التاي اۋدانىندا ارىق جۇيەلەرى تازارتىلىپ، زۋبوۆكا وزەنىنە باراتىن كانالدان اعاش-بۇتا قالدىقتارى شىعارىلدى، وزەن ارناسى قالىپتى جاعدايعا كەلتىرىلدى. سونىمەن قاتار بەروزوۆكا وزەنىنىڭ ارناسى 700 مەترگە دەيىن تەرەڭدەتىلدى.

حالىقپەن تاسقىن كەزىندەگى قاۋىپسىزدىك شارالارى بويىنشا ءتۇسىندىرۋ جۇمىستارى جۇرگىزىلىپ، ارنايى قاعازدار تاراتىلدى. قازىرگى ۋاقىتتا 600 قاپ دايىندالىپ، قوسىمشا شامامەن 8 توننا ينەرتتى ماتەريال ازىرلەنگەن. سۋ دەڭگەيى ءۇش گيدروبەكەت ارقىلى باقىلانۋدا.ۇلكەن نارىن اۋدانىندا سۋركا وزەنىنىڭ ارناسى تازارتىلىپ، ءتۇبى تەرەڭدەتىلىپ، جاعالاۋى بەكىتىلدى. كاتونقاراعاي اۋدانىنداعى بارلىق اۋىلىندا بۇقتىرما وزەنىندە 21 مىڭ شارشى مەتر اۋماقتا مۇز جارۋ جۇمىستارى جۇرگىزىلدى. بۇل مۇز كەپتەلىسىنىڭ الدىن الىپ، ەلدى مەكەندەردى سۋ باسۋ ءقاۋپىن ازايتتى.

گلۋبوكوە اۋدانىنداعى پراپورششيكوۆو اۋىلىندا ەرتىس وزەنىندە سۋ دەڭگەيى كوتەرىلگەن جاعدايدا «وتان» كوشەسىن قورعاۋ ءۇشىن قورعانىس ءۇيىندىسىن نىعايتۋ جۇمىستارى جالعاسۋدا. قازىرگى تاڭدا ءۇيىندىنىڭ بيىكتىگى 1–1،8 مەتر، ۇزىندىعى 145 مەتر، ەنى 10–15 مەتر.جاعدايعا مونيتورينگ جەرگىلىكتى اتقارۋشى ورگاندار مەن توتەنشە جاعدايلار بولىمشەلەرى تاراپىنان، سونىڭ ىشىندە ۇشقىشسىز ۇشۋ اپپاراتتارى ارقىلى جۇرگىزىلۋدە.

سولتۇستىك قازاقستان وبلىسىنداعى جاعداي

سولتۇستىك قازاقستان وبلىسىندا تاسقىن جاعدايى تۇراقتى باقىلاۋدا. وڭىردە ءتجم-نىڭ 28237 اسكەري ءبولىمىنىڭ كۇشتەرى جۇمىلدىرىلعان.

ولار پەتروپاۆل قالاسى، زارەچنىي كەنتى جانە قىزىلجار اۋدانىنداعى بەسكول اۋىلىندا جۇمىس ىستەپ جاتىر.قىزىلجار اۋدانىندا جانە پەتروپاۆل ماڭىندا قورعانىس بوگەتتەرىن نىعايتۋ ءۇشىن 29 مىڭ قاپ دايىندالىپ، 10،8 مىڭ قاپ توسەلگەن. سونىمەن قاتار ەسىل وزەنىنىڭ تاسقىن سۋلارى بوگەتتەردى شايىپ كەتپەۋى ءۇشىن 2،5 مىڭ مەتر پوليەتيلەن توسەمى سالىندى.تاسقىن جاعدايىن باقىلاۋ اياسىندا وزەندەر، كولدەر مەن سۋ قويمالارىنىڭ باسسەيندەرىنە اۋەدەن شولۋ جاسالدى.