مۇنى وكق-دا وتكەن بريفينگتە وبلىس اكىمى ناريمان تورەعالييەۆ ايتتى، – دەپ حابارلايدى Dalanews.kz بقو اكىمىنىڭ باسپا ءسوز قىزمەتىنە سىلتەمە جاساپ.
بيىلعى كوكتەمدەگى سۋ تاسقىنىنا بايلانىستى وبلىستا وتە كۇردەلى جاعداي قالىپتاسقانى بارشاعا ءمالىم. سۋ تاسقىنى سالدارىنان 2 مىڭعا جۋىق تۇرعىن ءۇي جانە 15 مىڭداي ساياجاي ۋچاسكەلەرى سۋ استىندا قالدى.
– دەر كەزىندە قابىلدانعان شارالاردىڭ ارقاسىندا 9994 وتباسىعا 3،6 ملرد. تەڭگە كولەمىندە ءبىرجولعى الەۋمەتتىك كومەك تولەندى. بۇدان بولەك، 10 مىڭنان استام وتباسىعا كەلتىرىلگەن شىعىندارعا 3،7 ملرد. تەڭگەگە ماتەريالدىق كومەك بەرىلدى، – دەدى ناريمان تورەعالييەۆ.
تۇرعىنداردىڭ باسپاناسىن قالپىنا كەلتىرۋ جۇمىستارىن جۇرگىزۋ ءۇشىن 4،3 ملرد تەڭگەگە جوندەۋ جۇمىستارى جۇرگىزىلدى. جالپى سانى 1939 پاتەر ساتىپ الىنىپ، 889 جاڭا تۇرعىن ۇيلەر سالىندى. قايىرىمدىلىق قورلارىنىڭ ەسەبىنەن 69 جانۇياعا جاڭا باسپانا بەرىلدى.
