تٶتەنشە جاعدايلار مينيسترلٸگٸ قازاقستانداعى سۋ تاسقىنىنا قاتىستى مەلٸمدەمە جاسادى. ۆەدومستۆونىڭ حابارلاۋىنشا, قازٸرگٸ تاڭدا ەلدٸڭ باسىم بٶلٸگٸندە تاسقىننىڭ بەلسەندٸ كەزەڭٸ بەسەڭدەپ, جاعداي تۇراقتالعان. بارلىق ٶڭٸردە مونيتورينگ جٷرگٸزٸلٸپ جاتىر, دەپ حابارلايدى Dalanews.kz.
2026 جىلدىڭ 1 ناۋرىزىنان باستاپ تجم جانىنان تەۋلٸك بويى جۇمىس ٸستەيتٸن جەدەل شتاب قۇرىلعان. وعان تيٸستٸ مەملەكەتتٸك ورگانداردىڭ ٶكٸلدەرٸ تارتىلعان. سونىمەن قاتار, بارلىق وبلىستاردا ازاماتتىق قورعاۋ قىزمەتتەرٸ مەن ۆەدومستۆولاردىڭ جۇمىسىن ٷيلەستٸرەتٸن ٶڭٸرلٸك جەدەل شتابتار جۇمىس ٸستەپ جاتىر.
مينيسترلٸكتٸڭ مەلٸمەتٸنشە, وڭتٷستٸك جەنە باتىس ٶڭٸرلەردە تاسقىننىڭ بەلسەندٸ كەزەڭٸ نەگٸزٸنەن اياقتالعان. ال قازٸرگٸ ۋاقىتتا تاسقىننىڭ شارىقتاۋ شەگٸ اقمولا وبلىسىندا بايقالۋدا. بۇدان بٶلەك, سولتٷستٸك قازاقستان جەنە شىعىس قازاقستان وبلىستارىنداعى جاعداي دا باقىلاۋدا.
ۆەدومستۆو ەل بويىنشا گيدرولوگييالىق جاعداي مەن سۋ باسۋ قاۋپٸ بار ەلدٸ مەكەندەر تۇراقتى تٷردە باقىلاۋدا ەكەنٸن اتاپ ٶتتٸ. تاسقىننىڭ الدىن الۋ ماقساتىندا كەشەندٸ جۇمىستار جٷرگٸزٸلۋدە. اتاپ ايتقاندا, 9 ملن تەكشە مەتردەن استام قار شىعارىلىپ, 1,3 ملن تەكشە مەتردەن استام ەرٸگەن سۋ سورىلعان. سونداي-اق 79 مىڭنان استام قاپ تٶسەلٸپ, 103 مىڭ توننا ينەرتتٸ ماتەريال پايدالانىلعان. 1,9 ملن مەترگە جۋىق ارىق-كانال تازارتىلىپ, 5 مىڭنان استام ۋاقىتشا بٶگەت پەن ٷيٸندٸ تۇرعىزىلعان.
جالپى 43 ەۋە باقىلاۋ جۇمىسى جٷرگٸزٸلٸپ, 305 تاسقىن قاۋپٸ بار ەلدٸ مەكەن تەكسەرٸلگەن. اەروۆيزۋالدى مونيتورينگ جالعاسىپ جاتىر.
سولتٷستٸك قازاقستان وبلىسىندا تجم ەسكەري بٶلٸمدەرٸنٸڭ قىزمەتكەرلەرٸ تاسقىنعا قارسى جۇمىستارعا تارتىلعان. جالپى العاندا, ەل بويىنشا 700-گە جۋىق ادام, 227 تەحنيكا, 40 موتوپومپا جەنە بەس جٷزۋ قۇرالى جۇمىلدىرىلعان.
توعىز ٶڭٸردە مۇز كەپتەلٸستەرٸنٸڭ الدىن الۋ ٷشٸن جارىلىس جۇمىستارى جٷرگٸزٸلگەن. بارلىعى 220 ۋچاسكەدە جالپى اۋماعى 626 مىڭ شارشى مەتردەن استام جەر قامتىلىپ, 29 مىڭ مەتردەن استام مۇز كەسٸلٸپ, 41 مىڭنان استام ۇڭعىما بۇرعىلانعان. قازٸرگٸ ۋاقىتتا قوستاناي, پاۆلودار جەنە اقمولا وبلىستارىندا 11 سۋ تاسۋ فاكتٸسٸ, ال اقمولا وبلىسىندا ٷش شايىلۋ جاعدايى باقىلاۋدا تۇر.
اقمولا وبلىسىندا ەلدٸ مەكەندەردٸ سۋ باسۋدىڭ الدىن الۋ ٷشٸن بٸرقاتار شارا قابىلدانعان. 5 سەۋٸردە قورعالجىن اۋدانىنداعى سابىندى اۋىلىنان سولتٷستٸككە قاراي ورنالاسقان "شٶپتٸكٶل" بٶگەتٸنٸڭ بٸر بٶلٸگٸ زاقىمدانعان. قازٸرگٸ ۋاقىتتا بٶگەت قالپىنا كەلتٸرٸلٸپ, ەلدٸ مەكەندەرگە قاۋٸپ جوق.
سونداي-اق استراحان اۋدانىنداعى ستارىي كولۋتون اۋىلىنا كٸرەبەرٸستە قاردىڭ قارقىندى ەرۋٸ مەن كولۋتون ٶزەنٸندەگٸ سۋ دەڭگەيٸنٸڭ كٶتەرٸلۋٸنە بايلانىستى جول جابىنى الدىن الا اشىلعان. نەتيجەسٸندە اۋىلمەن كٶلٸك قاتىناسى ۋاقىتشا توقتاعان. دەگەنمەن, تۇرعىندار دەرٸ-دەرمەك, ازىق-تٷلٸك جەنە جانار-جاعارماي قورىمەن قامتاماسىز ەتٸلگەن.
شىعىس قازاقستان وبلىسىندا تجم ەسكەري قىزمەتشٸلەرٸ تاسقىنعا قارسى جۇمىستاردى اياقتادى. قۇتقارۋشىلار التاي اۋدانىنداعى بٸرقاتار ەلدٸ مەكەندەردە الدىن الۋ شارالارىن جٷرگٸزٸپ, ارىقتار مەن كٶپٸرلەردٸ تازارتتى, سۋ ٶتكٸزۋ نىساندارىن رەتكە كەلتٸرٸپ, بٶگەتتەردٸ نىعايتتى. سونىمەن قاتار, تۇرعىندارمەن تٷسٸندٸرۋ جۇمىستارى جٷرگٸزٸلدٸ.
سولتٷستٸك قازاقستان وبلىسىندا دا جاعداي تۇراقتى باقىلاۋدا. ەسٸل ٶزەنٸ باسسەينٸ مەن بٸرقاتار سۋ ايدىندارىنا ەۋەدەن باقىلاۋ جٷرگٸزٸلٸپ, قورعانىس دامبالارى نىعايتىلىپ جاتىر.
قوستاناي وبلىسىندا سۋ باسۋ جاعدايلارى تٸركەلمەگەن, سۋ دەڭگەيٸ قاۋٸپتٸ مەجەدەن اسپاعان. ال اباي جەنە قاراعاندى وبلىستارىندا تاسقىن كەزەڭٸ اياقتالىپ, جاعداي تۇراقتى دەڭگەيدە ساقتالىپ وتىر.
