داعىستاندا تولاسسىز جاۋعان جاڭبىر سالدارىنان تاعى دا سۋ تاسقىنى بولدى، دەپ حابارلايدى Dalanews.kz.
بۇل ءبىر اپتا بۇرىن بولعان تابيعي اپاتتان كەيىنگى قايتالانعان جاعداي. ماحاچكالا قالاسىندا قاتتى جاۋىن مەن سۋ باسۋدىڭ اسەرىنەن ءۇش قاباتتى تۇرعىن ءۇي وپىرىلىپ تۇسكەن. الدىن الا مالىمەت بويىنشا، عيماراتتىڭ ىرگەتاسىن سۋ شايىپ كەتكەن بولۋى مۇمكىن. بۇل تۋرالى وڭىرلىك تەرگەۋ كوميتەتى حابارلادى.
وقيعا الدىندا تۇرعىندار الدىن الا ءقاۋىپسىز جەرگە كوشىرىلگەن. قازا تاپقاندار مەن زارداپ شەككەندەر جوق.
قازىرگى ۋاقىتتا قالادا تاعى ءتورت كوپقاباتتى ءۇي ءقاۋىپتى جاعدايدا تۇر. ماماندار ولاردىڭ قابىرعالارىندا جارىقتار پايدا بولعانىن مالىمدەدى.
سۋ تاسقىنى سالدارىنان داعىستان بويىنشا 139 ەلدى مەكەن جارىقسىز قالدى.
