Qazaqstan Ishki ister ministrligi «Balapan» arnasynyń prodiýserine qatysty aitylǵan pedofiliia aiyptaryna bailanysty tergeýdi bastady, dep habarlaidy dalanews.kz.
IIM ministriniń orynbasary Sanjar Ádilov qazaqstandyq akter ári kásipker Nurǵali Nuǵman jasaǵan daýly málimdemege pikir bildirdi.
Nurǵali Nuǵman prodiýserdi zorlady dep aiyptaǵan.
Sanjar Ádilovtiń aitýynsha, qazirgi ýaqytta bul derek boiynsha resmi túrde tergeý bastalǵan.
"Barlyq aitylǵan ýájderge quqyqtyq baǵa beriledi", – dedi ministrdiń orynbasary.
Eske salaiyq, qazaqstandyq Nurǵali Nuǵman esimdi jigit ózin prodiýser aǵasy zorlaǵanyn málimdegen bolatyn. Artynsha ol taǵy bir málimdeme jasady.
Onyń aitýynsha, buǵan deiingi videoda ol "Balapan" telearnasyn "balapan" dep atalǵan kommertsiialyq jobamen shatastyryp alǵan.
"Meniń kókem zorlady degen videony kórgen bolarsyzdar. Negizi ol jerde "Balapan" telearnasyn "balapan" kommertsiialyq jobasymen shatastyryppyn. "Balapan" telearnasynyń ujymynan keshirim suraimyn jáne olardyń eńbegin óte joǵary baǵalaimyn. Osy jaǵdai týraly suhbatqa shaqyrsańyzdar, bárin tolyq aityp berýge daiynmyn. Bul aqiqatty kóleńkede qaldyrǵym kelmeidi, sizderden qoldaý kútemin. Óitkeni mundai jaǵdai bizdiń elde kóbeiip ketti. Sondai zardap shekken adamdardyń biri – menmin", – dedi ol.
