Qazaqstan Prezidenti Qasym-Jomart Toqaev BUU-nyń tiimdiligin arttyrý jáne halyqaralyq qaýipsizdikti qamtamasyz etý máselelerine toqtalyp, uiym qyzmetin jańǵyrtý men preventivti diplomatiiany kúsheitýdiń mańyzyn atap ótti, dep habarlaidy Dalanews.kz.
– Atalǵan Uiymnyń negizi 80 jyl buryn qalandy. Keibir adamdar uiym ábden eskirdi, quldyrap bara jatyr degen pikir aitady. Kelisýge týra keledi. Bizge BUU Jarǵysyna muqiiat mán bergen jón. Jarǵyda «dushpan memleketter» degen uǵym bar. Ras, 80 jyl buryn bári túsinikti edi. Al qazir álgi «jaý elder» Uiymdy qarjylandyrý jáne beibitshilikti qoldaý isinde mańyzdy ról atqaryp otyr. Eń bastysy – BUU-nyń bedelin kóterip, tiimdiligin arttyrý, – dedi ol.
Sodan soń Qasym-Jomart Toqaev preventivti diplomatiianyń qaqtyǵystardy toqtatýda óte ózekti ekenine mán berdi.
– Bul taqyryp burynnan talqylanyp keledi, keminde 30 jyl boldy. Biraq ózgergen eshteńe joq. Jaǵdai dilmár sóz, deklaratsiia kúiinde qalyp jatyr. Óńirlik jáne jahandyq shielenisterdi boljaýǵa basa mán bergen jón dep oilaimyn. Preventivti diplomatiia degenimiz – osy. Sonymen qatar biz kópjaqty tiimdi diplomatiiaǵa qoldaý kórsetý úshin kúsh-jigerimizdi biriktirý kerek, – dedi Qazaqstan Prezidenti.
