قازاقستان پرەزيدەنتى قاسىم-جومارت توقايەۆ بۇۇ-نىڭ تيىمدىلىگىن ارتتىرۋ جانە حالىقارالىق قاۋىپسىزدىكتى قامتاماسىز ەتۋ ماسەلەلەرىنە توقتالىپ، ۇيىم قىزمەتىن جاڭعىرتۋ مەن پريەۆەنتيۆتى ديپلوماتيانى كۇشەيتۋدىڭ ماڭىزىن اتاپ ءوتتى، دەپ حابارلايدى Dalanews.kz.
– اتالعان ۇيىمنىڭ نەگىزى 80 جىل بۇرىن قالاندى. كەيبىر ادامدار ۇيىم ابدەن ەسكىردى، قۇلدىراپ بارا جاتىر دەگەن پىكىر ايتادى. كەلىسۋگە تۋرا كەلەدى. بىزگە بۇۇ جارعىسىنا مۇقيات ءمان بەرگەن ءجون. جارعىدا «دۇشپان مەملەكەتتەر» دەگەن ۇعىم بار. راس، 80 جىل بۇرىن ءبارى تۇسىنىكتى ەدى. ال ءقازىر الگى «جاۋ ەلدەر» ۇيىمدى قارجىلاندىرۋ جانە بەيبىتشىلىكتى قولداۋ ىسىندە ماڭىزدى ءرول اتقارىپ وتىر. ەڭ باستىسى – بۇۇ-نىڭ بەدەلىن كوتەرىپ، تيىمدىلىگىن ارتتىرۋ، – دەدى ول.
سودان سوڭ قاسىم-جومارت توقايەۆ پريەۆەنتيۆتى ديپلوماتيانىڭ قاقتىعىستاردى توقتاتۋدا وتە وزەكتى ەكەنىنە ءمان بەردى.
– بۇل تاقىرىپ بۇرىننان تالقىلانىپ كەلەدى، كەمىندە 30 جىل بولدى. ءبىراق وزگەرگەن ەشتەڭە جوق. جاعداي ءدىلمار ءسوز، دەكلاراسيا كۇيىندە قالىپ جاتىر. وڭىرلىك جانە جاھاندىق شيەلەنىستەردى بولجاۋعا باسا ءمان بەرگەن ءجون دەپ ويلايمىن. پريەۆەنتيۆتى ديپلوماتيا دەگەنىمىز – وسى. سونىمەن قاتار ءبىز كوپجاقتى ءتيىمدى ديپلوماتياعا قولداۋ كورسەتۋ ءۇشىن كۇش-جىگەرىمىزدى بىرىكتىرۋ كەرەك، – دەدى قازاقستان پرەزيدەنتى.
